Shivraj Singh Chouhan: भविष्यात कांद्यासारख्या पिकांच्या पारदर्शक व्यवहारासाठी एका संस्थेवर अवलंबून न राहता अधिक संस्थांच्या निर्मितीचा विचार सुरू आहे, अशी माहिती माहिती केंद्रीय कृषिमंत्री शिवराजसिंह चौहान यांनी दिली.
यशवंतराव चव्हाण महाराष्ट्र मुक्त विद्यापीठातील कृषी विकास केंद्रात शुक्रवारी आयोजित किसान संवाद मेळाव्यात ते बोलत होते. यावेळी व्यासपीठावर राज्याचे कृषिमंत्री माणिकराव कोकाटे, खासदार भास्कर भगरे, खासदार शोभा बच्छाव, आमदार हिरामण खोसकर, कुलगुरू प्रा. संजीव सोनवणे, जिल्हाधिकारी जलज शर्मा, भारतीय कृषी संशोधन परिषदेचे संचालक एच. के. रॉय, कैलास भोसले, सुनील बच्छाव आदी उपस्थित होते.
Chhagan Bhujbal: कुणाचे तरी काढून मला मंत्रिपद नको! छगन भुजबळ मंत्रिपदाबाबत स्पष्टच बोलले
चौहान म्हणाले की, ‘कांद्याप्रमाणे टोमॅटो किंवा बटाट्यासारख्या काही पिकांचे भरघोस उत्पादन झाल्यास मागणी-पुरवठा तत्त्वानुसार या उत्पादनांच्या बाजारभावांवर परिणाम होतो. यात शेतकरी व ग्राहकांना तोटा सोसावा लागतो. यापुढे कांद्याचे भरघोस उत्पादन झाल्यास देशांतर्गत बाजारात अतिरिक्त कांदा पोहोचविण्यासाठी सरकार पुढाकार घेईल. यासाठीच्या वाहतूक खर्चाचा भार केंद्र व राज्य सरकार निम्मा विभागून घेऊ.’
ते म्हणाले, ‘काँग्रेसच्या राज्यात पीक नुकसानीची भरपाई देण्यासाठी अतिशय क्लिष्ट निकष होते. ते आम्ही शिथिल केले आहेत. आमच्या सरकारच्या काळात गावातील एका शेतकऱ्याचे जरी नैसर्गिक संकटाने नुकसान झाले तरीही त्याला भरपाई देण्याइतपत या निकषांमध्ये सुधारणा केल्या आहेत.’
आईचा खून करुन टीव्ही बघत बसला, वडील आले अन् त्यांनाही…; नागपूर हत्या प्रकरणात धक्कादायक खुलासा
‘विभागांचा समन्वय साधू ’
कृषिमालाला योग्य बाजारपेठ उपलब्ध करून देणे व शेतकऱ्यांचे सर्वार्थाने हित साधणे यासाठी कृषी व महसूल विभागांमध्ये समन्वय आवश्यक आहे. त्यासाठी नवे पोर्टल सुरू करण्यासोबतच आवश्यक ते प्रयत्न करू. तक्रार निवारणासाठी याचा उपयोग कसा होईल. शेतकऱ्यांसाठी कल्याणकारी योजना देऊन त्यांचे हित साधले जाईल, असे आश्वासन कृषिमंत्री माणिकराव कोकाटे यांनी दिले.
दरम्यान, केंद्रीय कृषिमंत्री शिवराजसिंह चौहान यांनी शुक्रवारी त्र्यंबकराजाचे दर्शन घेतले. सभा मंडपात त्यांनी सपत्निक पूजा, अभिषेक, संकल्प केला. यावेळी पौरोहित्य वामन गायधनी यांनी केले.
विठ्ठल-रुक्मिणी मंदिराचे उत्पन्न ५३ कोटी; गेल्या वर्षभरात सव्वा कोटी भाविकांनी घेतलं दर्शन
निवेदने नको, थेट चर्चा करा!‘मंत्र्यांच्या डोक्यावर निवेदनांचा पाऊस पाडून काय लाभ होणार? नेते व संघटनांना शेतकऱ्यांच्या प्रश्नांविषयी खरोखर आस्था असेल तर पत्र-निवेदनांची खैरात करीत बसू नका. थेट आमच्याकडे दिल्लीत या. शेतकऱ्यांच्या प्रश्नांवर संबंधित सर्व घटकांना सोबत घेऊन चर्चा करू आणि शेतकरी हिताचे निर्णय घेऊ’, असेही केंद्रीय कृषिमंत्री म्हणाले.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा