Mumbai AQI: मुंबईच्या हवेच्या गुणवत्तेचा सरासरी निर्देशांक २००च्या आत असला तरी मुंबईतील काही केंद्रांवरची हवा वाईट तर, घाटकोपरमध्ये ही गुणवत्ता आणखी खालावून रविवारी दुपारच्या सुमारास अतिवाईट नोंदली गेली.
रविवारी पूर्ण मुंबईवर धुरक्याचे आच्छादन होते. उत्तरेमध्ये थंडी, धुक्याचे प्रमाण अधिक असून या वातावरणाचा मध्य भारतावरही परिणाम होत असल्याची माहिती महाराष्ट्र प्रदूषण नियंत्रण मंडळाचे (एमपीसीबी) सहसंचालक व्ही. एम. मोटघरे यांनी दिली. हा परिणाम सोमवारीही जाणवण्याची शक्यता आहे. थंड हवेमध्ये पुन्हा प्रदूषके साचून राहण्यास सुरुवात झाली असून हवेची गुणवत्ता सुधारेपर्यंत ज्या भागात बांधकामबंदी करण्यात आली आहे, तिथे हा निर्णय कायम राहील, असेही ते म्हणाले. 
Nashik: ‘सिव्हिल’मधील बाळ चोरीचा १२ तासांत उलगडा, एमबीए महिलेचं कृत्य, कारण धक्कादायक
मुंबईतील बांधकामासंदर्भात सोमवारी सागरी किनारा मार्ग प्रकल्पाचे अधिकारी तसेच, एमएमआरडीएसोबत बैठकीचे आयोजन करण्यात आले आहे. मुंबईमध्ये पश्चिमी प्रकोपामुळे आर्द्रतेत वाढ झाली असून आर्द्रतेमुळे प्रदूषकांचे विस्थापन होत नसल्याचे प्रादेशिक हवामान विभागाकडून सांगण्यात आले. सध्या या परिस्थितीत किमान तापमानात वाढ झाली असून कमाल तापमानात घट झाली आहे. वारा नसल्याने प्रदूषके वाढली आहेत. 
Ramesh Bidhuri: दिल्लीतील रस्ते प्रियांका यांच्या गालासारखे करु; भाजप नेते रमेश बिधुडी यांची जीभ घसरली
कुर्ला, चेंबूर, भायखळ्यामध्ये ‘वाईट’
हवा एमाीसीवीच्या वेबसाइटवरील माहितीनुसार, हवेचा गुणवत्ता निर्देशांक वांद्रे कुर्ला संकुल येथे २२८ तर चेंबूर येथे २२६ नोंदला गेला. या दोन्ही केंद्रांवर हवेची गुणवत्ता वाईट श्रेणीत होती. समीर अपवरील नोंदीनुसार घाटकोपर येथे रविवारी दुपारच्या सुमारास हवेची गुणवत्ता अति वाईट श्रेणीत नोंदली गेली. त्यामुळे आता घाटकोपर परिसरातील बांधकामांबद्दलही प्रश्न उपस्थित केले जात आहेत. घाटकोपरच्या हवेची गुणवत्ता अचानक अती वाईट नोंदली जाण्याचे कारण काय, अशी विचारणा होत आहे. समीर अॅपवरील नोंदीनुसार भायखळा आणि शिवाजी नगर येथील हवेची गुणवत्ताही रविवारी दुपारी वाईट श्रेणीत होती. हा केवळ हवामानाचा परिणाम आहे की, या भागात मुळातच प्रदूषण अधिक असल्याने ते आता प्रतिबिंबित झाले आहे, अशी विचारणा या निमित्ताने होत आहे.
Anjali Damania: मला त्यांच्याकडून धमकीचे ६०० कॉल; देशमुख हत्या प्रकरणावरुन अंजली दमानियांचा गौप्यस्फोट
पश्चिमी प्रकोपाचा परिणाम
मुंबईची आर्द्रता सकाळी कुलाबा येथे ७९ टक्के तर, सांताक्रूझ येथे ७६ टक्के होती. दिवसभरात ती अनुक्रमे ६७ टक्के आणि ६१ टक्के नोंदली गेली. शुक्रवारी आणि शनिवारी वातावरण कोरडे होते. ही डे होते. ही आर्द्रता ५० टक्क्यांपेक्षा खाली उतरली होती. पण पश्चिमी प्रकोपामुळे ही आर्द्रता वाढली आहे. दिवसभरात रविवारी आभाळ ढगाळलेलेही होते.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा