राज्य सरकारने गेल्या वर्षी जुलैमध्ये ‘मुख्यमंत्री माझी लाडकी बहीण’ योजना जाहीर केली. १८ ते ६५ वयोगटातील अनेक महिलांनी यापूर्वीच योजनेसाठी अर्ज केला. मात्र, कागदपत्र आणि अन्य तांत्रिक अडचणींमुळे अनेकींना योजनेचा लाभ घेता आला नाही. ज्या महिलांना यापूर्वी अर्ज करता आला नाही, त्या आता नव्याने नावनोंदणी सुरू होण्याच्या प्रतीक्षेत आहेत. नव्याने अर्जप्रक्रिया राबविण्याबाबत अद्याप प्रशासनाला सूचना प्राप्त नसल्याने महिलांकडूनही नाराजी व्यक्त केली जात आहे. शासनाने पुन्हा अर्जप्रक्रिया राबवावी, असे आवाहनही महिलांकडून केले जात आहे.
Anjali Damania: मला त्यांच्याकडून धमकीचे ६०० कॉल; देशमुख हत्या प्रकरणावरुन अंजली दमानियांचा गौप्यस्फोट
सरकारने निवडणुकीपूर्वी योजना जाहीर केली. त्यावेळी काही कारणांमुळे अर्ज करता आला नाही. त्यामुळे आता पुन्हा नव्याने नावनोंदणी सुरू होण्याच्या प्रतीक्षेत आहोत . – साक्षी जाधव

माझ्या ५९ वर्षीय आईने योजनेसाठी अर्ज दाखल केला होता. तिला योजनेचा फायदाही झाला. परंतु आधार कार्डवरील नावात बदल असल्याने ते दुरुस्त करण्यासाठी वेळ लागला आणि त्यावेळी संधी गमावली . – प्रतिभा सोनवणे
Nashik: ‘सिव्हिल’मधील बाळ चोरीचा १२ तासांत उलगडा, एमबीए महिलेचं कृत्य, कारण धक्कादायक
पहिल्यांदा अर्जप्रक्रिया सुरू असताना योजनेबाबत साशंकता होता. योजना नक्की कशी काम करेल याबद्दलही फारशी माहिती नसल्याने मी त्यावेळी अर्ज केला नाही. मात्र, आता योजनेसाठी अर्ज करायचा आहे . – केशर झनकर