याप्रकरणी बडदेनगर येथील रहिवासी भावना किरण भऊरकर यांनी फिर्याद दिली. त्यानुसार, जयसिंग मानसिंग भोजावत ऊर्फ चौहान, मानसिंग छोंगसिंग भोजावत ऊर्फ चौहान, नवरतन मानसिंग भोजावत ऊर्फ चौहान ऊर्फ कुंवर, दीपासिंग भोजावत ऊर्फ चौहान ऊर्फ भट्टी, सुरेंद्रसिंग मानसिंग भोजावत, उमा खुशबू सुरेंद्र भोजावत ऊर्फ कुंवर अशी संशयितांची नावे आहेत. फिर्यादी या मुक्त विद्यापीठात कार्यरत असून, त्यांचा मुलगा गोविंदनगरातील एका शाळेत इयत्ता आठवीत शिक्षण घेत आहे. त्याच शाळेत संशयितांनी जानेवारी ते जुलै २०२४ या कालावधीत ‘कौन बनेगा रामानुजन’ ही स्पर्धा आयोजित केली होती. त्यामध्ये भऊरकर यांचा मुलगा उत्तीर्ण झाला. त्यानंतर कोटा येथील एका कोचिंग क्लासच्या माध्यमातून संशयितांनी भऊरकर यांना संपर्क साधला.
Anjali Damania: मला त्यांच्याकडून धमकीचे ६०० कॉल; देशमुख हत्या प्रकरणावरुन अंजली दमानियांचा गौप्यस्फोट
कॉलेजरोड परिसरातील कृषिनगरातील क्युबाइड बिझनेस सेंटरमध्ये बोलावून त्यांना प्रमाणपत्र व भेटवस्तू दिली. यासह भऊरकर व इतर उत्तीर्ण विद्यार्थ्यांच्या पालकांना क्लासच्या विविध योजनांसह शुल्कात सवलत देण्याचा दावा करून एका शिष्यवृत्तीची माहिती दिली. त्यानुसार संबंधित पालकांकडून प्रवेश, क्लास, गणवेश, व्हॅन व टॅब या नावाने शुल्क मागितले. ‘इन्स्टॉलमेंट’नुसार काही पालकांनी रोख व ऑनलाइन स्वरूपात ही रक्कम जमा केल्याचे फिर्यादीत म्हटले आहे.
Nashik: ‘सिव्हिल’मधील बाळ चोरीचा १२ तासांत उलगडा, एमबीए महिलेचं कृत्य, कारण धक्कादायक
…असा झाला उलगडासंशयित जयसिंगने फिर्यादीसह इतर पालकांना आठवी ते दहावीपर्यंतच्या ‘फाउंडेशन कोर्स’ची माहिती देत १ लाख साठ हजार रुपयांचे शुल्क मागितले. त्यावर सत्तर टक्के सवलत दिल्याचाही दावा केला. त्यानुसार फिर्यादीसह इतरांनी ४८ हजार रुपये जमा केले होते. त्यानुसार १५ एप्रिल २०२४ पासून क्लास सुरू झाला. परंतु, १२ जुलै २०२४ रोजी व्हॅन न आल्याने पालकांनी संपर्क साधला. व्हॅन चालकाने क्लास बंद झाल्याचे सांगितले. पालकांनी संशयितांना फोन केल्यावर सर्व फोन बंद होते. त्यानंतर पालकांनी चौकशी केल्यावर संशयित पसार झाल्याचे समोर आले. बऱ्याच प्रयत्नानंतरही पैसे परत न मिळाल्याने पालकांनी पोलिसांत धाव घेतली.