काय आहे प्रकरण?

एअरटेलच्या कर्मचारी वर्गाला फ्लोअरवर हिंदीच बोलायचं, मराठी बोललात, तर कामावरून काढून टाकेन, अशी धमकी टीम लीडर शाहबाज अहमद याने दिल्याचा आरोप आहे. याशिवाय हिंदू धर्मीय सणांना सुट्टी न देणे, गेले ३ महिने संबंधित मराठी भाषिक कर्मचाऱ्यांचा पगार न करणे असेही आरोप व्यवस्थापनावर आहेत.

कामावरुन काढणण्याची धमकी

येथील कर्मचाऱ्यांनी मनसेकडे यासंदर्भात तक्रार केली की आमचा पगार थांबवला आहे, यावर शाहबाज अहमदने मराठी भाषिक मुलांना धमकी दिली की कौनसी भी सेना लेके आओ, नहीं बोलता मराठी… कामावरून काढून टाकतो बघू कोण येतंय, असाही दावा केला जात आहे.

दरम्यान, मराठी पोरांच्या अन्यायाला आज मनसे स्टाईल वाचा फोडली आणि येत्या सोमवारी पोरांचे पगार करायला लावले आहेत. अन्यथा एकाच वेळी एकाच दिवशी स्वारगेट, वाकडेवाडी, खराडी येथील ३ एअरटेल ऑफिस फोडून टाकणार, असा अंतिम इशारा मनसेकडून राज्य सचिव आशिष साबळे पाटील यांनी दिला आहे.

मुंब्य्रात मराठी तरुणाला माफी मागायला लावली

दुसरीकडे, कल्याण येथे मराठी कुटुंबाला झालेल्या मारहाण प्रकरणानंतर मुंब्रा येथेही गुरुवारी मराठी तरुणाला माफी मागण्यास भाग पाडून या घटनेचे जमावाने चित्रीकरण केले. हे चित्रीकरण समाजमाध्यमांवर प्रसारित झाल्यानंतर सर्वच स्तरांतून टीकेची झोड उठवण्यात आली. अखेर भाषिक तेढ निर्माण केल्याप्रकरणी मुंब्रा पोलिस ठाण्यात गुन्हा दाखल करण्यात आला आहे. या घटनेवरून राजकीय आरोप-प्रत्यारोप सुरू झाले आहेत.
Marathi vs Hindi VIDEO | मराठीत बोलायला सांगितल्याने विरोध, मुंब्य्रात तरुणाला स्थानिकांचा घेराव, कान पकडून माफी मागायची वेळ
मुंब्रा येथील कौसा परिसरात २१ वर्षीय तरुणाने फळ विक्रेत्याला मराठी बोलण्यास सांगितले. या घटनेनंतर संतप्त अमराठी फळ विक्रेत्याने जमाव गोळा करून या मराठी तरुणाला माफी मागण्यास भाग पाडले. ही चित्रफीत सर्वत्र प्रसारित झाली. फळ विक्रेत्यासह २० ते २५ जणांचा जमाव मुंब्रा पोलिस ठाण्यात गेला होता. फळ विक्रेत्याने दिलेल्या तक्रारीवरून मराठी तरुणाविरोधात सर्वप्रथम शिवीगाळ आणि धमकीप्रकरणी अदखलपात्र गुन्ह्याची नोंद करण्यात आली. त्यानंतर या जमावाने मुंब्रा पोलिस ठाण्याबाहेर घोषणाबाजी केली.
Uddhav Thackeray : भाजपमध्ये का चालले? ‘मातोश्री’वर हायव्होल्टेज बैठक, दोन तासात ठाकरेंनी निकाल लावला, तिघांना पक्षातून काढा
या घोषणाबाजीदरम्यान तरुणाला अटक करण्याची मागणी जमावाने केली. त्यामुळे पोलिसांनी मनाई आदेशाचे उल्लंघन केल्याप्रकरणी जमलेल्या जमावाविरोधात गुन्हा दाखल केला होता. शुक्रवारी मराठी तरुणाच्या तक्रारीच्या आधारे गुन्ह्याच्या कलमांमध्ये वाढ केल्याची माहिती मुंब्रा पोलिसांनी दिली.

‘या वादाला भाषिक रंग देऊ नका’

हा लहान मुलांचा वाद असून त्याने महाराष्ट्र पेटेल असा भाषिक रंग या प्रकरणाला देऊ नका, असे मत राष्ट्रवादी काँग्रेसचे (शप) आमदार जितेंद्र आव्हाड यांनी व्यक्त केले. जे घडले ते चुकीचे असून तुम्ही कोणावर जबरदस्ती करू शकत नाही, असेही आव्हाड म्हणाले.