Ganeshotsav 2026: गणेशोत्सवाला अवघे दोन दिवस बाकी असताना ठाणे पोलिस आयुक्तालयाच्या हद्दीत गणेशोत्सव निर्विघ्नपणे पार पाडण्यासाठी पोलिसांनी कडेकोट बंदोबस्त केला आहे.
पोलिसांचा चोख बंदोबस्त
यंदा ठाणे, भिवंडी, कल्याण-डोंबिवली, अंबरनाथ, बदलापूर आणि उल्हासनगर या ठाणे पोलिस आयुक्तालयाच्या हद्दीतील शहरांमध्ये १ लाख ६६ हजार ५२४ गणेशमूर्तींची प्रतिष्ठापना होणार आहे. गणेशोत्सव निर्विघ्नपणे पार पाडण्यासाठी ठाणे पोलिसांनी कंबर कसली असून, गणेशोत्सवाच्या काळात १२ दिवस प्रत्येक शहरात पोलिसांचा चोख बंदोबस्त असणार आहे.
विसर्जनाची ठिकाण
यंदा आयुक्तालयात प्रतिष्ठापना होणाऱ्या एकूण गणपतींपैकी सार्वजनिक गणपतींची संख्या १ हजार ७६ असून, १ लाख ६५ हजार ४४८ खासगी गणपती आहेत. आयुक्तालयातील विसर्जनाच्या ठिकाणांची एकूण संख्या १९३ आहे.यामध्ये ठाणे शहरात ५५, भिवंडीत ३९, कल्याण परिमंडळात ५६ आणि उल्हासनगर परिमंडळात ४३ ठिकाणांचा समावेश आहे.
१२ विसर्जन घाट
अशी माहिती पोलिसांकडून देण्यात आली. खारेगाव, पारसिक रेतीबंदर, मालुंदा तलाव, नदी नाका, वऱ्हाळदेवी, मोठागाव रेतीबंदर खाडी यांसह इतर महत्त्वाच्या विसर्जन घाटांची संख्या १२ आहे.
पोलिस आयुक्तालयात तैनात
गणेशोत्सव शांततेत पार पाडण्यासाठी ठाणे पोलिस सज्ज झाले आहेत. पोलिस अधिकारी आणि कर्मचारी मिळून ३,३००हून अधिक पोलिसांचा फौजफाटा संपूर्ण पोलिस आयुक्तालयात तैनात करण्यात येणार आहे. दिवस-रात्र पोलिसांचा खडा पहारा असणार आहे.
Nashik Crime : देशसेवेच्या स्वप्नाने सैन्यात भरती, २० वर्षीय प्रशिक्षणार्थी अग्निवीराने अकस्मात आयुष्य संपवलं, नाशकात खळबळ
बंदोबस्तासाठी एसआरपीएफच्या कंपन्या तैनात
या फौजफाट्यामध्ये १० पोलिस उपायुक्त, १८ सहायक पोलिस आयुक्त, १०० पोलिस निरीक्षक, २८२ सहायक पोलिस निरीक्षक/पोलिस उपनिरीक्षक, ५३ महिला पोलिस अधिकारी, २,२९४ पोलिस कर्मचारीआणि ६१३ महिला पोलिस कर्मचारी यांचा समावेश आहे. बंदोबस्तासाठी एक हजार होमगार्डची मदत घेण्यात येणार आहे. यात ८०० पुरुष आणि २०० महिला होमगार्ड असतील. एसआरपीएफच्या काही कंपन्याही बंदोबस्तासाठी तैनात राहणार आहेत.
लेखकाबद्दलकांचन परुळेकरकांचन परुळेकर महाराष्ट्र टाइम्स ऑनलाईनमध्ये कन्सलटंट पदावर कार्यरत आहेत. कांचन स्थानिक बातम्या, पायाभूत सुविधा, बांधकाम आणि विकास प्रकल्प यासाठी लिखाण करतात. त्यांच्या पत्रकारितेच्या प्रवासाला सुरुवात ही महाराष्ट्र टाइम्स ऑनलाईनमधून झाली. मार्च २०२६ मध्ये महाराष्ट्र टाइम्सच्या व्हिडिओ विभागात त्यांनी इंटर्न म्हणून काम केले. सुरुवातीला त्यांनी युट्यूब, फेसबुक आणि इन्स्टाग्रामसाठी कन्टेंट तयार करताना व्हिडिओ आणि लेख लिहिले आहेत. महाराष्ट्रातील राजकीय घडामोडी, स्थानिक बातम्या आणि क्राइमसह स्पोर्ट्सवर इत्यादी विषयांचे वाचन आणि लेखन करण्याची त्यांना विशेष आवड आहे.
कांचन यांचे संपूर्ण शिक्षण मराठी माध्यमातून झाले असून पत्रकारितेची आवड असल्याने त्यांनी कोकण ते मुंबई असा शैक्षणिक प्रवास केला. २०२५ मध्ये बॅचलर्सचे शिक्षण गावी पूर्ण केले. इकोनॉमिक्स या विषयातून पद्वी घेतली. लिखाणाची आवड, संवाद साधण्याचे कौशल्य आणि पत्रकारितेची आवड समजून घेऊन साठ्ये कॉलेज विलेपार्ले येथे वृत्तपत्रविद्या आणि संवाद या विषयात त्यांनी पद्व्युत्तर शिक्षणासाठी प्रवेश घेतला.
महाविद्यालयीन काळात कला आणि नाटक विषयात विशेष आवड असल्याने त्यांनी अभिनयदेखील केले आहे. काही नाटक त्यांनी लिहिले आहेत. मुंबई विद्यापीठाच्या युथ फेस्टिवलमध्ये त्यांना अभिनयासाठी ब्रॉन्झ आणि सिल्व्हर मेडल देण्यात आले आहेत. कविता आणि लेख लिहिण्याची आवड असल्याने शाळा ,कॉलेज मासिक अंकात त्यांचे लेख देखील प्रसिध्द झाले आहेत.
२०२६ मध्ये महाराष्ट्र टाइम्स ऑनलाईन सोबत जोडल्या गेल्यानंतर त्यांची पत्रकारितेची आवड अगदी स्पष्ट झाली. बोलण्यातला स्पष्टपणा लिखाणातली पारदर्शकता अधिक नव्याने समजत गेली. तीन महिन्यांच्या इंटर्नशिप नंतर त्या आता कन्सलटंट पदावर म.टा. समुहात सहभागी झाल्या आहेत. पारदर्शकता आणि विश्वासार्ह माहिती वाचकांपर्यंत पोहचवण्याचं काम त्या करत आहेत.… आणखी वाचा