पेणच्या गणेशमूर्तींचे बोलके डोळे, सुबक मुख, आकर्षक रंगसंगती आणि कलात्मकता यामुळे त्यांना जगभरातील गणेशभक्तांकडून पसंती मिळते. अमेरिका, ब्रिटन, ऑस्ट्रेलिया, कॅनडा, संयुक्त अरब अमिरातीसह विविध देशांमध्ये राहणारे भारतीय नागरिक, तसेच स्थानिक गणेशमंडळांकडून पेणच्या मूर्तींची मागणी वाढत आहे. परदेशात मूर्ती पाठविण्याचे नियोजन अनेक महिने आधीपासून केले जाते. मोठ्या संख्येने मूर्ती समुद्रमार्गे कंटेनरमधून पाठविल्या जातात, तर तातडीच्या मागणीनुसार हवाई वाहतुकीचाही वापर केला जातो. प्रवासात मूर्तींचे नुकसान होऊ नये, यासाठी काळजीपूर्वक पॅकिंग केले जाते.

Maharashtra Rain Alert: पुढील चार दिवस पावसाचे! राज्यात वादळी पावसासह विजांचा कडकडाट, IMDचा अनेक जिल्ह्यांना ‘यलो अलर्ट’पेणमधील गणेशमूर्ती उद्योगाला यंदा चांगलीच चालना मिळाली आहे. उपलब्ध माहितीनुसार, पेणमध्ये सत्तर लाखांहून अधिक गणेशमूर्तींची विक्री झाली असून, कच्च्या मालाच्या वाढलेल्या दरामुळे मूर्तींच्या किमती १५ ते २० टक्क्यांनी वाढल्या आहेत. तरीही मागणी कायम आहे.

महिलांचा वाढता सहभाग

मूर्ती साकारण्यापासून रंगकाम, डोळ्यांची आखणी, कलाकुसर आणि वस्त्रालंकारापर्यंतच्या कामात पेणमधील महिलांचा सहभाग वाढला आहे. त्यामुळे गणेशमूर्ती उद्योगातून स्थानिक रोजगार आणि अर्थव्यवस्थेलाही मोठा हातभार लागत आहे. शंभर कोटी रुपयांपेक्षा अधिक आर्थिक उलाढाल झाल्याचे सांगण्यात येते.

गणेशोत्सवाला पर्यावरणस्नेही आकार

पर्यावरण संरक्षण आणि संवर्धनाचा वसा घेत गणेशोत्सव पर्यावरणपूरक पद्धतीने साजरा करण्याचा विचार सर्वसामान्यांमध्ये रुजवण्यासाठी ‘महाराष्ट्र टाइम्स’ आणि ‘महाराष्ट्र राज्य प्रदूषण नियंत्रण मंडळ’ यांनी संयुक्त विद्यमाने ‘टाइम्स ग्रीन गणेश’ या उपक्रमांतर्गत अनोख्या कार्यशाळेचे आयोजन केले होते. वांद्रे-कुर्ला संकुल येथील ‘इंडियन ऑइल कॉर्पोरेशन लिमिटेड’च्या कार्यालयात झालेल्या या कार्यशाळेत पर्यावरणपूरक गणेशमूर्ती साकारण्याचे प्रशिक्षण देण्यात आले.