इंदिरानगरमधील सुदर्शन कॉलनीत रस्त्यांची दुरावस्था काय आहे ते आता उघडपणे समोर आलं आहे. मुख्य रस्त्यावर भलंमोठं भगदाड पडलं आहे. या भगदाड पडलेल्या ठिकाणी खोल खड्डा दिसत आहे. या भगदाड पडलेल्या ठिकाणी एखादी गाडी गेली असती तर ती थेट काही फूट खाली गेली असती. सुदैवाने तसं घडलं नाही. असं असलं तरी रात्रीच्या वेळी भगदाड स्पष्ट दिसत नसल्याने धोका वाढला आहे. त्यामुळे वाहनचालकांना जीव मुठीत घेऊन प्रवास करावा लागत आहे.

Palghar Case : ‘तुमच्या हलगर्जीपणामुळेच नऊ आरोपी फरार’, मुंबई हायकोर्टाचे पालघर पोलिसांवर ताशेरेविशेष म्हणजे ज्या ठिकाणी घटना घडली आहे तिथून अवघ्या 200 ते 300 मीटरवर रस्त्याचे काम सुरु आहे. रस्त्याची ही अवस्था झाल्यानंतर प्रशासन दुर्घटना घडण्याची वाट बघत आहे का? असा सवाल नागरिकांनी केला आहे. प्रशासनाने तातडीने पाहणी करुन रस्त्याची दुरुस्ती करावी, अशी मागणी केली आहे.

शिवेना उबाठाचे गटनेता आक्रमक

या घटनेनंतर शिवसेना उद्धव बाळासाहेब ठाकरे पक्षाचे नाशिक महापालिकेतील गटनेता केशव पोरजे यांनी भूमिका मांडली आहे. “दोन दिवसांपूर्वी मनपा आयुक्तांनी चॅलेंज दिले होते की खराब रस्ते दाखवा. निकृष्ट दर्जाचे काम आढळले तर मी नाव बदलेन. सुदर्शन कॉलनी येथे रस्त्याला मोठे भागदाड पडले आहे. सांगायला वाईट वाटते की एक आयएएस अधिकारी राजकारण्यांसारखं चॅलेंज करतात हे चॅलेंज करणे काम आमचे आहे राजकारणी लोकांचे”, असं केशव पोरजे म्हणाले.

Manoj Jarange Patil : एका फटक्यात संपाल, मनोज जरांगे यांचा एकनाथ शिंदेंना इशारा“आम्ही महापालिका आयुक्तांचे चॅलेंज स्वीकारले आहे. आम्ही लवकरच त्यांना कुठे-कुठे निकृष्ट दर्जाचे काम झाले आहे ते दाखवणार आहोत. त्यांना चॅलेंज करायचे होते तर जेव्हा रस्त्यांमुळे अनेक बळी गेले तेव्हा करायचे होते की मी आणखी बळी जाऊ देणार नाही. त्यांचे चॅलेंज आम्ही स्वीकारले आहे. त्यांची इच्छा जी आहे नाव बदलण्याचे त्यांचा नामकरण सोहळा आम्ही लवकरच महासभेत करू”, अशी भूमिका ठाकरेंच्या शिवसेनेचे गटनेता केशव पोरजे यांनी मांडली आहे.

पालिका आयुक्त काय म्हणाल्या होत्या?

“नाशिक महापालिका आयुक्त म्हणून माझं एक ओपन चॅलेंज आहे, आमचे जेवढे टेंडर डॉक्युमेंट्स आहेत ते आम्ही ऑनलाइन वेबसाईटवर अपलोड करतोय. ज्यांना जे चेक करायचं आहे ते करा. आमची चूक काढून दाखवा. आम्ही बघू की आम्ही कुठे चुकलो आहोत. कारण आम्ही कुठेच चुकलो नाहीत. हे एक ओपन चॅलेंज मी सगळ्यांना केलं होतं. आता परत करतोय. कामामध्ये आम्ही कुठेही कमतरता ठेवलेली नाही. मी सर्वांना ओपन चॅलेंज देते. कुंभच्या कामात एक तरी चूक काढून दाखवा. मी माझं नाव बजलून टाकेन”, असं वक्तव्य नाशिक महापालिका आयुक्त मनिषा खत्री यांनी केलं होतं.