Eknath Shinde receives bomb threat: राज्याचे उपमुख्यमंत्री एकनाथ शिंदे यांना बॉम्बने उडवण्याच धमकी देण्यात आली आहे. गोरेगाव पोलिसांना एका अज्ञात व्यक्तीकडून धमकीचा मेल आला आहे.
गोरेगाव पोलिसांसह जेजे मार्ग पोलीस आणि मंत्रालयातही असाच ई-मेल
गोरेगाव पोलीस स्टेशन, जेजे मार्ग पोलीस स्टेशन आणि मंत्रालयात हे ई-मेल आले आहेत. त्यामुळे सुरक्षा यंत्रणा सध्या या प्रकरणाचा तपास करत आहेत. उपमुख्यमंत्री एकनाथ शिंदे यांच्या गाडीला बॉम्बने उडवून टाकू, अशीधमकी या मेलमध्ये देण्यात आली आहे. सध्यातरी हा कोणीतरी खोडसाळपणा केल्याची शक्यता वर्तवली जात आहे. पण, सुरक्षेच्या दृष्टीकोणातून पोलिसांनी तपास सुरु केला आहे. उपमुख्यमंत्र्यांसंबधीत हा ई-मेल असल्याने पोलिसांनी त्याचा शोध घेण्यास सुरुवात केली आहे. हा ई-मेल कुठून आला, कोणी पाठवला याचा शोध पोलीस घेत आहे.
एकनाथ शिंदे दिल्लीत
उपमुख्यमंत्री एकनाथ शिंदे हे सध्या दिल्लीत आहेत. आज दिल्लीच्या नवनिर्वाचित मुख्यमंत्री रेखा गुप्ता यांचा शपथविधी सोहळा पार पडला. या शपथविधीसाठी मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि अजित पवार हे दिल्लीत पोहोचले होते. त्यानंतर एकनाथ शिंदे पुन्हा परत येतील. त्यांना आलेल्या धमकीच्या ई-मेलमुळे सुरक्षा यंत्रणा अलर्टमोडवर आली आहे.
थेट राज्याच्या उपमुख्यमंत्र्यांना अशा पद्धतीने राज्याच्या उपमुख्यमंत्र्यांना धमकीचा मेल येणं हे अत्यंत धक्कादायक आहे. याचं गांभीर्य पाहता पोलीस यंत्रणा कामाला लागली आहे. आता पोलीस या अज्ञात व्यक्तीपर्यंत कशाप्रकारे पोहोचतात, त्यासाठी ते कुठले पाऊलं उचलतात हे पाहणं गरजेचं आहे. पण, अशा प्रकारे राज्याच्या एका महत्त्वाच्या नेत्याला जीवेमारण्याची धमकी येणं हे अत्यंत गंभीर आहे. यापूर्वीही शिंदेंना जीवेमारण्याची धमकी आलेली आहे. त्यामुळे सुरक्षा यंत्रणा आता काय निर्णय घेणार हे पाहावं लागेल.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा