धातुशास्त्र विभागाचे प्रमुख किशोर लाला मेश्राम, त्यांच्या पत्नी विंदा मेश्राम (दोन्ही रा. गणेशनगर, कोराडी), बाबू किसना हजारे (रा. कोल्हापूर), लोहितसिंग धर्मासिंग सुभेदार, विजय ज्योतिराम पाटील, ए. एच. ट्रेडर्स अँड डेव्हलपमेंट एलएलपी कोल्हापूर व कॅपिटस केकर्स ट्रेडर अँड डेव्हलपर कोल्हापूर अशी गुन्हा दाखल करण्यात आलेल्यांची नावे आहेत. श्यामदेव गजाननराव घाटोळे (वय (वय ५४, रा. न्यू स्नेहनगर, वर्धा रोड) यांनी दिलेल्या तक्रारीवरून हा गुन्हा दाखल करण्यात आला. घाटोळे हे बांधकाम विभागाचे प्रमुख व संचालक आहेत. पोलिसांकडून प्राप्त माहितीनुसार, २०१८मध्ये मेश्राम यांची बदली कोल्हापूर पॉलिटेक्निकमध्ये झाली. कोल्हापूरमध्ये गेल्यानंतर मेश्राम व त्यांच्या पत्नीची अन्य आरोपींसोबत ओळख झाली. ते शेअर बाजारात गुंतवणूक करण्यासाठी गुंतवणूकदारांचा शोध करायला लागले.
Ladki Bahin Yojana: आणखी दोन लाख ‘बहिणी’ अपात्र ठरणार; फेब्रुवारीतील छाननीनंतर लाभार्थीसंख्येला कात्री
शेअरमध्ये गुंतवणूक करण्यासाठी मेश्राम यांनी घाटोळे यांच्याशी मोबाइलद्वारे संपर्क साधला. शेअरमधील गुंतवणुकीबाबत बोलणी केली. त्यांनी नकार दिला. त्यानंतर २०२०मध्ये मेश्राम यांनी पुन्हा नागपुरात बदली झाली. नागपुरात येताच मेश्राम यांनी घाटोळे व अन्य सहकाऱ्यांना गुंतवणुकीचे आमिष दिले. एक वर्षात गुंतवणुकीची रक्कम दुप्पट होण्यासोबतच साडेतीन लाखांच्या गुंतवणुकीवर दुबई व बँकॉक प्रवास, १५ लाखांवर गुंतवणूक केल्यास सहा लाखांची कार, तर ५० लाखांच्या गुंतवणुकीवर २० लाखांची कार बक्षीस देण्यात येणार असल्याची थाप मारली. ही बैठक चक्क शासकीय तंत्रनिकेतच्या खोलीत झाली. त्यानंतर मेश्राम व अन्य आरोपींनी जगनाडे चौकातील हॉटेल रिजेंटामध्येही बैठक घेतली.
जनतेपासून कसली भीती? वाय दर्जाची सुरक्षा काढल्याने नाराज आमदारांना कृषिमंत्र्यांचा सवाल
त्यांच्या आमिषाला बळी पडल्यानंतर घाटोळे यांनी ३६ लाख ८० हजार, कृष्णलाल बडोले यांनी अडीच लाख, मानकर यांनी सात लाख, पंडित नगराळे यांनी २१ लाख व नितेश चौधरी यांनी तीन लाखांची गुंतवणूक केली. सुरुवातीला ठकबाजांनी गुंतवणूकदारांना काही रक्कम परत केली. त्यानंतर पैसे देणे बंद केले. ठकबाजांनी एकूण ५४ लाख ३० हजारांची फसवणूक केली. घाटोळे यांनी सदर पोलिस ठाण्यात तक्रार दिली. पोलिसांनी फसवणुकीचा गुन्हा दाखल करुन तपास सुरु केला आहे.
शिवसृष्टीसाठी राज्य सरकार देणार ५० कोटींचा निधी; मुख्यमंत्री देवेंद्र फडणवीसांची घोषणा
शेती विकून दिले पैसे
श्यामदेव घाटोळे यांनी पत्नीच्या नावे असलेली शेती विकून ठकबाजांना पैसे दिले. याशिवाय, त्यांनी जीपीएफमधून पैसे काढून गुंतवणूक केली. अन्य गुंतवणूकदारांनीही कर्ज काढून व नातेवाइकांकडून पैसे घेऊन गुंतवणूक केल्याची माहिती आहे.