म. टा. प्रतिनिधी, नाशिक : वाहने थांबवून मोबाइल किंवा सोनसाखळी खेचण्याच्या वाढत्या घटनांपाठोपाठ आता थेट चेहऱ्यावर ‘स्प्रे’ फवारून दागिने पळविण्याचा प्रकार घडला. मुंबई नाका पोलिसांच्या हद्दीत एका रस्त्यावर हा धक्कादायक प्रकार घडला. गंभीर बाब म्हणजे, एका महिलेचा या चोरीत सहभाग आहे. त्यानुसार मुंबई नाका पोलिसांनी अज्ञात महिलेविरुद्ध जबरी चोरीचा गुन्हा दाखल केला आहे.
इंदिरानगर परिसरातील श्रद्धाविहार भागात राहणाऱ्या ३३ वर्षीय महिलेने मुंबई नाका पोलिसांत फिर्याद दिली आहे. सकाळी पावणे अकरा वाजेच्या सुमारास त्या इंदिरानगर जॉगिंग ट्रॅक समोरील संत सावता माळी रस्त्यावरून मोपेड वाहनाद्वारे जात होत्या. त्यावेळी त्यांच्या वाहनाजवळ आलेल्या अनोळखी महिलेने फिर्यादी महिलेच्या चेहऱ्यावर ‘स्प्रे’ फवारला. काही समजण्यापूर्वीच संशयित महिलेने फिर्यादीच्या हातातील अंगठी व कानातले काढून घेतले. त्यानंतर संशयित महिला पसार झाली. याप्रकरणी मुंबई नाका पोलिसांत अज्ञात महिलेविरुद्ध २२ हजार तिनशे रुपयांचे दागिने चोरल्याप्रकरणी गुन्हा नोंदविण्यात आला आहे. दरम्यान, जबरी चोऱ्या करणाऱ्यांचे अनेक प्रकार समोर येत असल्याने नागरिकांनी सतर्क राहण्याचे आवाहन नाशिक पोलिसांनी केले आहे.
इंदिरानगर परिसरातील श्रद्धाविहार भागात राहणाऱ्या ३३ वर्षीय महिलेने मुंबई नाका पोलिसांत फिर्याद दिली आहे. सकाळी पावणे अकरा वाजेच्या सुमारास त्या इंदिरानगर जॉगिंग ट्रॅक समोरील संत सावता माळी रस्त्यावरून मोपेड वाहनाद्वारे जात होत्या. त्यावेळी त्यांच्या वाहनाजवळ आलेल्या अनोळखी महिलेने फिर्यादी महिलेच्या चेहऱ्यावर ‘स्प्रे’ फवारला. काही समजण्यापूर्वीच संशयित महिलेने फिर्यादीच्या हातातील अंगठी व कानातले काढून घेतले. त्यानंतर संशयित महिला पसार झाली. याप्रकरणी मुंबई नाका पोलिसांत अज्ञात महिलेविरुद्ध २२ हजार तिनशे रुपयांचे दागिने चोरल्याप्रकरणी गुन्हा नोंदविण्यात आला आहे. दरम्यान, जबरी चोऱ्या करणाऱ्यांचे अनेक प्रकार समोर येत असल्याने नागरिकांनी सतर्क राहण्याचे आवाहन नाशिक पोलिसांनी केले आहे.
दीड लाखांची घरफोडी
पंचवटी परिसरातील सरदार चौक येथील बंद घराचे कुलूप तोडून चोरट्यांनी सव्वा लाख रुपयांचे सोन्या-चांदीचे दागिने व पैसे लंपास केले. मुठे लेनमध्ये हा प्रकार घडला. घरातील व्यक्तिने दिलेल्या फिर्यादीनुसार पंचवटी पोलिसांनी अज्ञातांविरुद्ध घरफोडीचा गुन्हा दाखल केला आहे. यासह इंदिरानगर परिसरातील सदिच्छानगरात दरवाजाची कडी उघडून चोरट्यांनी २६ हजारांचा मुद्देमाल पळवला. याप्रकरणी इंदिरानगर पोलिसांतही घरफोडीचा गुन्हा नोंद आहे.
– मोबाइल, पैसे हिसकावण्याचे प्रकार वाढले
– गर्दीत सोनसाखळी खेचण्याच्या प्रकारांत वाढ
– लग्नसोहळ्यांऐवजी उपनगरातील रस्ते लक्ष्य
– बहाणे सांगून बोलण्यात गुंतवून दागिन्यांची चोरी
– सकाळी व रात्री मोकळ्या रस्त्यांवर चोरी, लूटमार