परभणी: माझा मराठा आरक्षणाला विरोध नाही तर मराठा समाजाला ओबीसी प्रवर्गातून ५० टक्केच्या आतून आरक्षण देण्याला विरोध आहे, असे विधान विधानसभेचे विरोधी पक्षनेते विजय वडेट्टीवार यांनी केले. काँग्रेस नेते सिद्धार्थ हत्तीअंबिरे यांनी रविवार, दि. १९ रोजी परभणी येथील ज्ञानोपासक महाविद्यालयाच्या मैदानात भगवान गौतम बौद्ध यांच्या मूर्ती वाटप कार्यक्रमाचे आयोजन केले होते. हा कार्यक्रम आटोपल्यानंतर विजय वडेट्टीवार यांनी प्रसारमाध्यमांशी संवाद साधला.
मला दोन समाजात तेढ निर्माण करायची नाही. मी माझ्या समाजाच्या हक्कांसाठी लढत आहे. इतरांना दु:ख होईल, इतरांना वेदना होतील, अशाप्रकारची माझी भूमिका कधीही राहणार नाही. मराठा समाजासाठी मनोज जरांगे पाटील लढतोय, हा त्यांचा प्रश्न आहे. ते त्यांच्या समाजासाठी लढतायत, आम्ही आमच्या समाजाचे हक्काचं आरक्षण वाचवण्यासाठी लढत आहोत. कोणी समाजात उभी फूट पाडू पाहत असेल तर ते आम्हाला मान्य नाही. मग तो कोणताही नेता असो, ओबीसीचा असो किंवा मराठा नेता असो. ‘मनोज जरांगे पाटील यांनीसुद्धा मराठा आरक्षणाच्या मागणीच्या संदर्भात विधान करताना संयम बाळगावा. ओबीसी समाजसुद्धा त्यांचा निश्चित सन्मान राखेल,’ असा विश्वासही वडेट्टीवार यांनी व्यक्त केला.
‘वडेट्टीवार यांची हकालपट्टी करा’
मला दोन समाजात तेढ निर्माण करायची नाही. मी माझ्या समाजाच्या हक्कांसाठी लढत आहे. इतरांना दु:ख होईल, इतरांना वेदना होतील, अशाप्रकारची माझी भूमिका कधीही राहणार नाही. मराठा समाजासाठी मनोज जरांगे पाटील लढतोय, हा त्यांचा प्रश्न आहे. ते त्यांच्या समाजासाठी लढतायत, आम्ही आमच्या समाजाचे हक्काचं आरक्षण वाचवण्यासाठी लढत आहोत. कोणी समाजात उभी फूट पाडू पाहत असेल तर ते आम्हाला मान्य नाही. मग तो कोणताही नेता असो, ओबीसीचा असो किंवा मराठा नेता असो. ‘मनोज जरांगे पाटील यांनीसुद्धा मराठा आरक्षणाच्या मागणीच्या संदर्भात विधान करताना संयम बाळगावा. ओबीसी समाजसुद्धा त्यांचा निश्चित सन्मान राखेल,’ असा विश्वासही वडेट्टीवार यांनी व्यक्त केला.
सध्या देशात धर्मा धर्मात आणि जाती-जाती मध्ये तेढ निर्माण करण्याचे काम चालू आहे. जगातले सर्वात मोठे धर्मांतर नागपूरात झाले होते. डॉ. बाबासाहेब आंबेडकरांनी बौद्ध धर्माचा स्वीकार केला. त्यावेळी त्यांना अनेक धर्माकडून निमंत्रण होते, मात्र, त्यांनी शांतीचा संदेश देणाऱ्या बौद्ध धर्माचा स्वीकार केला. जर कदाचित त्यांनी बौद्ध धर्माऐवजी मुस्लिम धर्माचा स्वीकार केला असता तर देशाचे दोन तुकडे झाले असते. म्हणून शांतीचा संदेश देणाऱ्या बौद्ध धर्माची संपूर्ण विश्वाला गरज असल्याचे वड्डेटीवार म्हणाले.
देशाचे पंतप्रधान नरेंद्र मोदी यांनी पवार कुटुंबावर भ्रष्टाचाराचे आरोप केले. मात्र, लगेच दुसऱ्या दिवशी अजित पवार यांना सत्तेत सहभागी करून उपमुख्यमंत्रीपद दिले. हे केवळ भारतातच घडू शकते, असा टोलाही वड्डेटीवार यांनी लगावला. ज्ञानोपासक महाविद्यालयाच्या मैदानावरील धार्मिक कार्यक्रम आटोपून वडेट्टीवार यांचा ताफा जिल्हाधिकारी कार्यालयाकडे रवाना झाला. यावेळी रेल्वे स्टेशनसमोर पाच ते सहा मराठा आरक्षण आंदोलकांनी त्यांच्या ताफ्याला काळे झेंडे दाखवून निषेध व्यक्त केला. तसेच मराठा आरक्षणाच्या समर्थनार्थ घोषणाबाजी केली. यावेळी पोलिसांनी त्यांना तात्काळ ताब्यात घेतले.
मनोज जरांगे-भुजबळांच्या नुरा कुस्तीने भाजपचा फायदा, सुषमा अंधारेंकडून आरक्षणाच्या लढाईमागील राजकारणाची चिरफाड‘वडेट्टीवार यांची हकालपट्टी करा’
‘राज्य विधिमंडळातील विरोधी पक्षनेते विजय वडेट्टीवार यांनी मराठा समाजाबद्दल आक्षेपार्ह विधान केल्याबद्दल त्यांची पदावरून हकालपट्टी करावी,’ अशी मागणी वैजापूर तालुका काँग्रेस कमिटीचे अध्यक्ष तथा कृषि उत्पन्न बाजार समितीचे संचालक प्रशांत पाटील सदाफळ यांनी काँग्रेसचे प्रदेशाध्यक्ष नाना पटोले यांच्याकडे केली.
या मागणीचे निवेदन त्यांनी काँग्रेसचे जिल्हाध्यक्ष डॉ. कल्याण काळे, महसूल मंत्री बाळासाहेब थोरात व माजी मुख्यमंत्री अशोक चव्हाण यांनाही पाठवले आहे. ‘सध्या मराठा आरक्षणाचा मुद्दा ज्वलंत; तसेच मराठा समाजासाठी जिव्हाळ्याचा झाला आहे. मराठा आरक्षणासाठी जालना जिल्ह्यातील आंतरवाली सराटी येथे मनोज जरांगे यांच्या नेतृत्वाखाली झालेल्या आंदोलकांवर पोलिसांनी केलेला लाठीमार व त्यानंतर उद्भवलेली परिस्थिती सर्वश्रुत आहे. जरांगे यांच्या आंदोलनाला यश येत असून, अनेक ठिकाणी कुणबी नोंदी सापडल्या आहेत. वैजापूर तालुक्यातुनही कुणबी प्रमाणपत्र वाटप करण्यात आले आहे. अशा परिस्थितीत विरोधी पक्ष नेते विजय वडेट्टीवार यांनी समाज माध्यमावर नुकत्याच व्हायरल झालेल्या एका व्हिडिओत मराठा आरक्षणासाठी लढणाऱ्या जरांगे यांच्या कार्यप्रणालीवर व एकंदरीत त्यांच्या हेतूवर साशंकता व्यक्त करीत टीका केली आहे. यावरून वडेट्टीवार यांचा मराठा समाजाबद्दल द्वेष दिसत असून, त्यांनी जरांगे यांची लढाई खिळखिळी करण्याचा प्रयत्न केला आहे. विरोधी पक्षनेते असूनदेखील ते सरकारची बाजू मांडत आहेत. परिणामी, सकल मराठा समाजात त्यांच्याविषयी संतापाची लाट पसरली आहे. त्यामुळे वडेट्टीवार यांचा पदभार काढून तातडीने हकालपट्टी करावी,’ अशी मागणी सदाफळ यांनी पक्षश्रेष्ठींकडे केली आहे.