पनवेलमध्ये राजकीय पक्षांकडून स्वागत

गणेशोत्सवाच्या तोंडावर सुरू झालेल्या या रेल्वेचे ठाणे आणि पनवेलमध्ये राजकीय पक्षांकडून स्वागत झाले. परंतु प्रवाशांना झालेला आनंद अवघ्या काही तांसांमध्ये विरला आहे. ही गाडी नेमकी कधी सुरू होणार? त्याचे आरक्षण कधी करता येणार याकडे कोकणवासींचे लक्ष लागले आहे.

छत्रपती शिवाजी महाराज टर्मिनस ते सावंतवाडी

मुंबई, उपनगर, ठाणे, नवी मुंबई, रायगड तसेच पुणे परिसरातील कोकणवासीयांसाठी ही रेल्वे अत्यंत सोयीची ठरणार आहे. त्यामुळे कोकणात जाऊ इच्छिणाऱ्यांकडून समाधान व्यक्त केले जात आहे. प्रवाशांची गरज ओळखून ३ सप्टेंबरपासून छत्रपती शिवाजी महाराज टर्मिनस ते सावंतवाडी ही रेल्वे सुरू करण्यात आले.

३ सप्टेंबरला झाले होते उद्घाटन

मंत्र्यांच्या, मान्यवरांच्या उपस्थितीत ३ सप्टेंबरला दुपारी उद्घाटन झालेली सावंतवाडी रेल्वेगाडी मागील पाच दिवसांत पुन्हा धावलीच नाही. त्यामुळे रेल्वेचे नियोजन नसताना केवळ उद्घाटनाचा भूलभुलय्या कशासाठी करण्यात आला असा प्रश्न उपस्थित झाला आहे.

गावाकडे जाण्यासाठी आणखी एक पर्याय उपलब्ध

मुंबई आणि उपनगरांतील प्रवाशांबरोबरच ठाणे, नवी मुंबई आणि रायगड जिल्ह्यातील कोकणवासीयांना आपल्या गावाकडे जाण्यासाठी आणखी एक पर्याय उपलब्ध होणार आहे. येत्या गणेशोत्सवात या गाडीला गर्दी होण्याची शक्यता आहे. परंतु , अद्यापही रेल्वेचे आरक्षण सुरू झालेले नाही. रेल्वेच्या अधिकृत वेबसाइटवर गाडीच दिसत नसल्याचे प्रवासी सांगत आहेत. एक महिन्यापुर्वी मंजुरी दिलेली विशेष गाडी सावंतवाडीपर्यंत रिकामीच धावली होती.

scrap rickshaw: बदलापूर, अंबरनाथमध्ये स्क्रॅप रिक्षांचा सुळसुळाट; विनापरवाना,अल्पवयीन चालक चालवतात रिक्षा, प्रवाशांचा जीव धोक्यात

वेळा कोणत्या ?

मुंबईहून सावंतवाडीला जाण्यासाठी छत्रपती शिवाजी महाराज टर्मिनसवरून १५०८७ क्रमांकाची रेल्वेगाडी रात्री ११ वाजून ५५ मिनिटांनी सुटेल. दुसऱ्या दिवशी दुपारी सव्वादोन वाजता सावंतवाडीला पोहोचेल. पुन्हा मुंबईकडे जाण्यासाठी सावंतवाडीहून ही रेल्वेगाडी (१५०८८)सायंकाळी ५ वाजून २० मिनिटांनी सुटेल.छत्रपती शिवाजी महाराज टर्मिनसला दुसऱ्या दिवशी सकाळी ६.४५ वाजता पोहोचेल, असे रेल्वेकडून सांगण्यात आले आहे.