भारत सरकारचे आयडी दाखवून प्रवेश

पोलिसांनी दिलेल्या माहितीनुसार, जिओ वर्ल्ड प्लाझामध्ये तीन व्यक्तींनी पंतप्रधान कार्यालय, भारत सरकार असे लिहिलेले ओळखपत्र दाखवून शिरल्याची माहिती गुन्हे शाखेला मिळाली. त्यानुसार गुन्हेगारी गुप्तवार्ता पथकाने या ठिकाणी जाऊन खासगी सुरक्षा रक्षक सनी सिंग याच्याकडे चौकशी केली.

सीसीटीव्ही फुटेजची झाडाझडती

रविवारी सायंकाळी पाचच्या सुमारास तिघे पिस्तुलसह आले. थांबविले असता त्यांनी पंतप्रधान कार्यालयाचे ओळखपत्र दाखविले. त्यावर तिघांचा फोटो पाहून आतमध्ये सोडल्याचे सिंग याने पोलिसांना सांगितले. सिंग याने दिलेल्या माहितीच्या आधारे पोलिसांनी या परिसरातील सीसीटीव्ही फुटेजची झाडाझडती घेतली.

यावरून कारचा क्रमांक आणि त्याला लिंक असलेल्या मोबाइल क्रमांकावरून पोलिस खार येथील रोहन पारिख (२४) या तरुणापर्यंत पोहोचले. त्याने जिओ प्लाझामध्ये गेल्याचे मान्य करीत आपल्यासोबत दिलीप कुंदे आणि मित्र प्रथमेश बागुल हे दोघे होते अशी माहिती दिली. रोहन याच्याकडे पिस्तूल असून त्याचा परवाना देखील आहे.

Rakesh Mehta : दिल्लीच्या माजी मुख्य सचिवांनी आयुष्य संपवलं, राहत्या घरी बॉडी सापडली, चिठ्ठीतून कारणांचा उलगडाप्रकरण गंभीर असल्याचे तपासासाठी गुन्हे शाखेकडे वर्ग करण्यात आले. वांद्रे कुर्ला पोलिस ठाण्यात गुन्हा नोंदवून रोहन आणि दिलीप यांना अटक करण्यात आली.

पंतप्रधानांच्या कार्यक्रमाशी संबंध नाही

जिओ वर्ल्ड प्लाझा हा मॉल असून यासाठी सर्वांना प्रवेश असतो. परंतु खासगी सुरक्षा रक्षक तपासणी करूनच आत सोडतात. त्यामुळे या प्रकारचा आणि पंतप्रधान नरेंद्र मोदी यांच्या दौऱ्याशी काहीच संबंध नसल्याचा दावा पोलिसांनी केला आहे. दरम्यान हे कृत्य त्यांनी कशासाठी केले? त्यांनी सादर केले ओळखपत्र प्रथमदर्शनी बनावट वाटत असून यावर जारी करण्यात आल्याची माहिती आहे. मात्र संपण्याची मुदत अथवा तारीख नसल्याचे समोर आले आहे.

रोहन पारेखच्या वकिलांचा धक्कादायक दावा

रोहन पारेख याला आपण खरोखरच पंतप्रधान कार्यालयासाठी काम करत आहोत असे वाटायला लावून कदाचित त्याचीच फसवणूक केली गेली असावी, असे त्याच्या वकिलांनी मंगळवारी न्यायालयात सांगितले. बीकेसीतील कार्यक्रमाच्या ठिकाणी सोमवारी घडलेल्या घटनेच्या संदर्भात पोलिसांनी अटक केल्यानंतर मुंबईतील न्यायालयाने रोहनला ११ सप्टेंबरपर्यंत पोलीस कोठडी सुनावली.

Guwahati Murder : नवविवाहित बायकोला संपवलं, जेलबाहेर आलो तर तिच्या शुगर डॅडीचाही काटा काढेन, नवऱ्याचा इशारा, अनैतिक संबंधातून घटनारोहनच्या वकिलांनी न्यायालयाला सांगितले की, तरुण कपूर नावाच्या व्यक्तीने रोहन पारेखला पंतप्रधान कार्यालयात काम करण्याची संधी देऊ केली होती. तसेच, त्याला सल्लागारपदाची (ज्यात महक गुप्ता याचाही सहभाग होता) ऑफर देण्यात आली होती. तरुण गुप्ता नावाच्या व्यक्तीकडून रोहनला ‘संरक्षण खरेदी धोरणा’बाबत एक ई-मेलही प्राप्त झाला होता, असा दावाही वकिलांनी केला.

बचाव पक्षाच्या म्हणण्यानुसार, रोहन पारेखला एक ऑफर लेटर, ओळखपत्र आणि पंतप्रधान नरेंद्र मोदी यांची स्वाक्षरी असल्याचे भासवणारे एक पत्र मिळाले होते. तसेच, त्यांना पंतप्रधानांच्या एका अतिरिक्त सचिवाकडूनही ई-मेल प्राप्त झाला होता.

Baramati Crime : महिलेच्या झुंबा क्लास विरोधात तक्रार, कारवाई टाळण्यासाठी 7 लाखांची लाच मागितली, बारामतीत पोलीस हवालदाराला रंगेहाथ अटकवकिलांनी असा युक्तिवाद केला की, हे सर्व पत्रव्यवहार रोहन पारेखला खरे वाटले होते आणि त्यामुळे आपण अधिकृतपणे पंतप्रधान कार्यालयाशी जोडले गेलो आहोत, असा त्याचा समज झाला होता. बचाव पक्षाने सांगितले की, रोहन पारेखनेआपल्याकडील सर्व कागदपत्रे आणि पत्रव्यवहाराची माहिती तपास अधिकाऱ्याकडे सोपवली होती, तसेच पडताळणीसाठी पंतप्रधान कार्यालयाला आपल्या संपर्काची माहितीही दिली होती, असे वकिलांनी सांगितले.