Sushma Andhare on Rupali Chakankar : अशोक खरातशी संबंध नाही म्हणणाऱ्या रुपाली चाकणकर तीन दिवस गुवाहाटीच्या हॉटेल ब्ल्यू रेडिसनमध्ये एकत्र होत्या, असा घणाघाती आरोप ठाकरे गटाच्या नेत्या सुषमा अंधारे यांनी केला
सुषमा अंधारे यांचे आरोप
महिला आयोगाच्या माजी अध्यक्षा आणि राष्ट्रवादी काँग्रेस महिला आघाडीच्या माजी प्रदेशाध्यक्षा रुपाली चाकणकर यांचा पाय अशोक खरात प्रकरणात खोलात गेला आहे. आर्थिक अफरातफर केल्याच्या आरोपाखाली रुपाली चाकणकर यांना ईडीने चौकशीसाठी बोलावले आहे. अशातच “गुवाहाटीला हॉटेल ब्लू रॅडिसन येथे खरात आणि चाकणकर भगिनी अशा तिघांनीही तीन दिवस मुक्काम केला.” असा आरोप सुषमा अंधारे यांनी केला आहे.
अशोक खरातच्या कुकर्मांचा पाढा
दरम्यान, दैवी शक्ती, भविष्यातील भीती आणि मंत्र-तंत्राच्या माध्यमातून महिलांवर लैंगिक अत्याचार करणाऱ्या संशयित अशोक खरात याच्याविरोधात दाखल अत्याचाराच्या आठ गुन्ह्यांपैकी पहिल्या दोन गुन्ह्यांत विशेष तपास पथकाने न्यायालयात सविस्तर पुरावे सादर केले आहेत. दोन्ही गुन्ह्यांत दोन हजारांपेक्षा जास्त पानांचे ‘चार्जशीट’ सादर झाले असून, तब्बल १०५ साक्षीदारांचे जबाब पोलिसांनी नोंदवले आहेत. त्यामुळे खरातच्या कुकर्मांच्या पेटाऱ्यातील प्रत्येक गोष्ट आता न्यायालयासमोर स्पष्ट होणार आहे.
Rohit Pawar : प्रफुल पटेल- सुनिल तटकरे भाजपमधून लढणार, 22 आमदारांचंही ठरलंय, रोहित पवारांचा सनसनाटी दावा
मतीन पटेल यांना घर बांधून देणार, कारवाईवरून इम्तियाज जलीलांचा संताप
आठ गुन्हे अत्याचारांचे
अशोक खरात प्रकरणात महाराष्ट्र पोलिस महासंचालकांच्या आदेशान्वये २० मार्च २०२६ पासून अकरा गुन्ह्यांचा तपास विशेष तपास पथक (एसआयटी) करत आहे. त्यामध्ये पोलिस अधीक्षक तेजस्वी सातपुते, उपअधीक्षक अमोल भारती, किरणकुमार सूर्यवंशी, वरिष्ठ पोलिस निरीक्षक तृप्ती सोनवणे यांच्यासह चोवीस पोलिस अधिकारी-कर्मचारी नियुक्त आहेत. खरातविरुद्ध दाखल गुन्ह्यांपैकी आठ गुन्हे अत्याचारांचे असून उर्वरित गुन्हे फसवणुकीसह अंधश्रद्धा विरोधी कायदा, सावकारी अधिनियम २०१४ व इतर या प्रमाणे दाखल आहेत. संशयित खरातविरुद्ध मौखिक, भौतिक, दस्तऐवजी, परिस्थितीजन्य, इलेक्ट्रॉनिक पुरावे पोलिसांनी संकलित केले आहेत. या पुराव्यांसह दोषारोपपत्र सादर झाले आहेत. पुढील जबाब व पुराव्यांचे पुरवणी दोषारोपपत्र दाखल करणार असल्याचे एसआयटीने सांगितले.WFH Rules India : पंतप्रधान मोदींचं आवाहन, तरीही कंपन्या WFH नाकारु शकतात का? घरुन कामाच्या वाढत्या मागणीत कायद्यातील मेख समजून घ्या
अशोक खरात प्रकरणातील महत्त्वाचे मुद्दे
– खरातविरुद्ध नाशिक, अहिल्यानगर जिल्ह्यात १८ गुन्ह्यांची नोंद
– पहिला गुन्हा १७ मार्च तर दुसरा गुन्हा २१ मार्च रोजी सरकारवाडा पोलिसांत दाखल
– ९ गुन्ह्यांचा तपास ‘एसआयटी’कडे सुरू; आठ अत्याचारांसह एक फसवणूक
– ३ गुन्हे अहिल्यानगर, ३ गुन्हे नाशिक शहर व २ गुन्हे नाशिक ग्रामीण, १ गुन्हा ठाणे पोलिसांकडे
– आक्षेपार्ह व्हिडीओच्या १३ हजार १७५ लिंक्स हटवल्या
– आक्षेपार्ह पोस्ट टाकणारे ४५१ सोशल मिडिया खाते कायमस्वरूपी बंद
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा