घरासोबत एक वाहनतळ विनामूल्य

मुंबई मंडळाने यावेळी विक्रोळी पूर्वेतील कन्नमवार नगर प्रकल्पातील १,२२१ घरांपैकी ६१० सदनिका केवळ उच्च उत्पन्न गटासाठी उपलब्ध करून देण्याचा महत्त्वपूर्ण निर्णय घेतला आहे. या घरांसाठी स्वतंत्र संकेत क्रमांक तयार करण्यात आले असून, या सदनिकांच्या किंमतीत यापूर्वी जाहीर केलेली ७.५ टक्के कपात कायम ठेवण्यात आली आहे. विशेष म्हणजे, प्रत्येक घरासोबत एक वाहनतळ विनामूल्य देण्याचाही निर्णय मंडळाने घेतला आहे.Mumbai Local: मुसळधार पावसातही लोकल धावती राहणार! रेल्वे स्थानकांवर कामं सुरू; पश्चिम रेल्वेवर प्रवास सुखकर होणार

कन्नमवार नगर प्रकल्पातील या घरांच्या किंमती सुमारे एक कोटी चौतीस लाख रुपयांपासून एक कोटी सदतीस लाख रुपयांपर्यंत आहेत. बिल्डिंग क्रमांक दोन आणि तीन मधील या सदनिकांचा समावेश उच्च उत्पन्न गटात करण्यात आला आहे. या बदलांमुळे उच्च उत्पन्न गटातील घरखरेदीदारांना आकर्षित करण्याचा प्रयत्न असल्याचे मानले जात आहे.

मुंबई मंडळाने मार्च २०२६मध्ये मुंबईतील विविध भागांतील २,६४० घरांची सोडत जाहीर केली होती. यात विक्रोळी, गोरेगाव, बोरिवली, चेंबूर, वांद्रे, घाटकोपर, दादर, वडाळा, पवई, माझगाव आदी भागांतील घरांचा समावेश आहे. अत्यल्प उत्पन्न गटासाठी १४५, अल्प उत्पन्न गटासाठी ८५८, मध्यम उत्पन्न गटासाठी ७९८, तर उच्च उत्पन्न गटासाठी ८३९ सदनिका उपलब्ध आहेत.

सोडतीची वेळ नंतर जाहीर होणार

सुधारित वेळापत्रकानुसार अर्जदारांना २८ मे रात्री ११.५९ वाजेपर्यंत ऑनलाइन अर्ज करता येणार असून २९ मेपर्यंत अनामत रक्कम भरता येणार आहे. अर्जाची प्रारूप यादी १० जूनला, तर अंतिम यादी १६ जूनला प्रसिद्ध केली जाणार आहे. सोडतीची तारीख आणि वेळ नंतर जाहीर केली जाणार असल्याचे मंडळाने स्पष्ट केले आहे.

म्हाडा मुंबई लॉटरी 2026साठी अर्ज कुठे करावा?

सर्व म्हाडा लॉटरीसाठी अर्ज केवळ म्हाडाच्या अधिकृत संकेतस्थळावर, म्हणजेच https://housing.mhada.gov.in या लिंकवर जाऊनच करावा.

म्हाडा मुंबई लॉटरीचे उत्पन्न गट (Income Groups) आणि मर्यादा काय आहेत?

म्हाडाने वार्षिक कौटुंबिक उत्पन्नानुसार खालील गट केले आहेत:

• EWS (आर्थिकदृष्ट्या दुर्बल घटक): वार्षिक उत्पन्न 6लाख रुपयांपर्यंत.
• LIG (अल्प उत्पन्न गट): वार्षिक उत्पन्न 6 लाख ते 9 लाख रुपयांपर्यंत.
• MIG (मध्यम उत्पन्न गट): वार्षिक उत्पन्न 9 लाख ते 12 लाख रुपयांपर्यंत
• HIG (उच्च उत्पन्न गट): वार्षिक उत्पन्न 12 लाखांपेक्षा जास्त.

म्हाडा मुंबई लॉटरीला कमी प्रतिसाद?

प्रतिसाद कमी असल्याने म्हाडाने विक्रोळीतील प्रकल्पाच्या किमतीत 7.5 टक्के कपात केली आहे. तसेच, 1,221 पैकी 610 सदनिका आता केवळ ‘उच्च उत्पन्न गटासाठी’ (HIG) राखीव ठेवण्याचा निर्णय घेण्यात आला आहे. या सदनिका धारकांना मोफत पार्किंग सुविधाही दिली जाणार आहे.

Mumbai News: वाहनांनंतर सागरी किनारा मार्गावर हेलिकॉप्टरचे उड्डाण; वरळी जेट्टीवर उभारणार ‘हेलिपॅड’, कसा होणार फायदा?

लॉटरीचे पुढील टप्पे काय आहेत?

प्रोव्हिजनल यादी 10 जून 2026 रोजी प्रसिद्ध होईल.
हरकती/सूचना नोंदवण्यासाठी 10 जून ते 12जून 2026 पर्यंतचा कालावधी
अंतिम यादी 16 जून 2026 रोजी प्रसिद्ध होईल.
त्यानंतर सोडतीची तारीख म्हाडाच्या वेबसाईटवर नंतर जाहीर केली जाईल.