महायुती एकत्र लढली असती, तर या ८५ जागांवर एक प्रमुख उमेदवार महाविकास आघाडीला सहज मिळाला असता आणि या जागांवरील लढत अत्यंत चुरशीची होण्याची शक्यता होती. सध्याच्या परिस्थितीतही येथे भाजप विरुद्ध ‘राष्ट्रवादी’ची अशी लढत झाली तरी शक्यतो विजय हा ‘महायुती’चाच व्हावा, अशी रणनीती आखण्यात आल्याचे सध्या दिसते आहे.
पुणे महापालिका निवडणुकीत मोठा ट्विस्ट, फडणवीसांची शिंदेंसोबत युतीची घोषणा, अजित पवारांचा पक्ष वेगळ्या मूडमध्ये
पुणे आणि पिंपरी-चिंचवडमध्ये भाजप आणि ‘राष्ट्रवादी’ यांच्यातच सर्वाधिक लढती होणार असल्याचे स्पष्ट झाले आहे. पुण्यात भाजप, राष्ट्रवादी काँग्रेस आणि महाविकास आघाडी यांच्यात किमान तिरंगी लढत होईल, असे स्पष्ट झाले आहे. भाजप आणि शिवसेना (एकनाथ शिंदे) यांच्यात पुणे आणि पिंपरी-चिंचवड येथे युती करण्यासंदर्भात पावले उचलण्यात येत असून, अद्याप अंतिम निर्णय झालेला नाही. ही युती होण्याची शक्यता अधिक असल्याने पुण्यात तिरंगी लढत होईल, असा दावा वरिष्ठ नेत्यांकडून करण्यात येत आहे.

महापालिकेच्या गत निवडणुकीत भाजप आणि राष्ट्रवादी काँग्रेसने १६२ पैकी बहुतांश जागा एकमेकांच्या विरोधात लढवल्या होत्या. त्यामध्ये ८५ जागावर या दोन्ही पक्षांमध्ये चुरशीची लढत झाली होती. त्यातील ५० जागा या भाजपने, तर उर्वरित ३५ जागा या राष्ट्रवादी काँग्रेसने जिंकल्या होत्या. सध्याच्या प्रभागरचनेवर जुन्याच प्रभागरचनेचा वरचष्मा आहे. त्यामुळे महायुती म्हणून निवडणूक लढविल्यास या ८५ जागांवर एक प्रबळ उमेदवाराची उमेदवारी नाकारली जाणार होती. हा प्रबळ उमेदवार आयता महाविकास आघाडीला मिळणार होता. या पार्श्वभूमीवर दोघांच्या भांडणात तिसऱ्याचा लाभ नको म्हणून पुणे आणि पिंपरी-चिंचवड महापालिकेत महायुतीमधून राष्ट्रवादी काँग्रेसला वेगळे करण्यात आल्याची चर्चा आहे.
अखेर ‘तो’ दिवस जवळ आला! फडणवीसांच्या घोषणेनंतर घडामोडींना वेग; पवारांकडून लवकरच मोठी घोषणा
मैत्रीपूर्ण लढत आणि सत्ताही?
आगामी महापालिका निवडणुकीत भाजप आणि राष्ट्रवादी काँग्रेसकडून बहुतांश ठिकाणी उमेदवार दिले जातील; तसेच आगामी निवडणुकीत एकमेकांसमोर लढत देताना एकमेकांचेच अधिकाधिक उमेदवार निवडून आणण्यावर भर दिला जाईल. ज्या ठिकाणी भाजपला पोषक वातावरण आहे, तेथे ‘राष्ट्रवादी’ सामंजस्याने घेईल; तसेच जेथे ‘राष्ट्रवादी’ला फायदा होईल तेथे भाजप सहकार्य करील. भाजप-शिवसेनेची मतांची विभागणी न टाळता महाविकास आघाडीतील मतांमध्ये अधिकाधिक फूट पाडण्याचे राजकारण या निमित्ताने खेळले गेले आहे. निकालानंतर आवश्यकता भासल्यास सत्तेत हे तिन्ही पक्ष पुन्हा एकत्र येऊ शकतात. हिंदुत्ववादी मतांमध्ये फूट टाळण्यासाठी भाजप-सेना एकत्र येण्यावरही भर देण्यात आला आहे.
Pune Accident News : मुख्यमंत्री येणार म्हणून रस्ता वळवला, अपघात झालेल्या शिक्षिकेला मदत न मिळाल्याने जीव गमवावा लागला, पुण्यातील घटना
पुणे आणि पिंपरी-चिंचवड महापालिकेतील आमच्या सत्ताकाळात चांगल्या प्रकारे पुण्याचा विकास केला आहे. आम्ही दोघे एकत्र आलो, तर तिसऱ्याचा फायदा होईल, हे समजण्याइतके राजकारण आम्हालाही कळते. –देवेंद्र फडणवीस, मुख्यमंत्री

शिवसेना आणि भारतीय जनता पक्षाच्या युतीबाबत वरिष्ठ पातळीवर चर्चा सुरू आहेत. एकनाथ शिंदे, देवेंद्र फडणवीस यांच्यासह भाजपचे प्रदेशाध्यक्ष रवींद्र चव्हाण यांचीही सकारात्मक चर्चा झाली आहे. – रवींद्र धंगेकर, महानगरप्रमुख, शिवसेना (शिंदे गट)

लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा