आशीष शेलार यांच्या हस्ते स्वामी विवेकानंद सरोवराच्या स्वच्छता व पुनरुज्जीवन प्रकल्पाचे भूमिपूजन करण्यात आले. या प्रकल्पामुळे सरोवराला नवसंजीवनी मिळणार असून नैसर्गिक परिसंस्थेचे पुनर्स्थापन होणार आहे. तसेच वांद्रे पश्चिम मतदारसंघातील तब्बल २३ विविध ठिकाणच्या शेड दुरुस्ती, शौचालय दुरुस्ती, ड्रेनेज व पॅसेजच्या कामांचे भूमिपूजन करण्यात आले. ‘या सर्व विकासकामांमधून मुंबईकरांसाठीच्या मूलभूत सुविधा, आरोग्य, पर्यावरण व पायाभूत सोयीसुविधा अधिक सक्षम करण्याचा आमचा निर्धार आहे’, शेलार म्हणाले.
Balasaheb Thorat: निवडणूक जाहीर होताच थोरातांचा आयोगावर घणाघात! मतदार यादीतील दुबार नावांवरून ‘पोरखेळा’चा आरोप
महापालिका निवडणुका जाहीर झाल्याने आता राजकीय पातळीवर हालचाली सुरू झाल्या आहेत. त्यामुळे येत्या काही दिवसांत आरोपप्रत्यारोपांना अधिकच धार येईल, अशी शक्यता राजकीय वर्तुळातून व्यक्त करण्यात येत आहे.

Shivsena News: वेदनेतून निर्णय घेतेय; मुंबईत ठाकरेंच्या शिवसेनेला धक्का: तेजस्वी घोसाळकरांचा जय महाराष्ट्र, पुढील दिशाही ठरली!
शिवसेना उबाठाच्या तेजस्वी भाजपमध्ये
शिवसेना उद्धव बाळासाहेब ठाकरे पक्षाच्या तेजस्वी घोसाळकर यांनी सोमवारी पक्षाच्या सदस्यत्वाचा राजीनामा देऊन भाजपमध्ये प्रवेश केला. ठाकरे कुटुंबाची साथ सोडणे कठीण असल्याची प्रतिक्रिया त्यांनी भाजपमध्ये प्रवेश केल्यानंतर दिली. मुंबईतील भाजपच्या वसंतस्मृती कार्यालयात त्यांच्या प्रवेशाचा कार्यक्रम पार पडला. तेजस्वी घोसाळकर या शिवसेना उबाठा पक्षाचे माजी आमदार विनोद घोसाळकर यांच्या सून आहेत. त्यांचे पती अभिषेक घोसाळकर हे मुंबई महापालिकेचे माजी नगरसेवक होते. त्यांची गोळ्या घालून हत्या करण्यात आली होती. तेजस्वी यांनी राजीनामा देऊ नये यासाठी त्यांना खूप समजावण्याचा प्रयत्न करण्यात आला. तसेच, ठाकरे कुटुंबीयांनीही त्यांचे मन वळवण्याचा प्रयत्न केला. परंतु त्यांनी आपला निर्णय बदलला नाही.