राज्यातील महापालिकांसाठी निवडणूक कार्यक्रम जाहीर झाल्यानंतर निवडणुकांच्या संदर्भात शिवसेना पदाधिकारी, इच्छुक उमेदवार, नगरसेवक यांच्या महत्त्वाची बैठक शिवसेना मध्यवर्ती कार्यालयात शिक्षणमंत्री दादा भुसे, शिवसेना सचिव राम रेपाळे यांच्या अध्यक्षतेखाली पार पडली. यावेळी आमदार सुहास कांदे, किशोर दराडे, उपनेते अजय बोरस्ते, विजय करंजकर, माजी खासदार हेमंत गोडसे, संपर्कप्रमुख विकास शिंदे, सहसंपर्क प्रमुख चंद्रकांत लवटे, महानगर प्रमुख प्रविण तिदमे उपस्थित होते.

Samruddhi Highway Accident: नियतीचा क्रूर खेळ! लग्न समारंभाला जाताना अनर्थ; अपघातात बहीण-भावाचा जागीच मृत्यू, 9 जण जखमी
या बैठकीत आगामी निवडणुकांची रणनीती, संघटनात्मक मजबूती, प्रभागनिहाय आढावा, प्रचारयंत्रणा यावर सविस्तर चर्चा करण्यात आली. या बैठकीत शिवसेना, युवासेना, महिला आघाडी, अंगीकृत संघटना यांचे प्रमुख पदाधिकारी, आजी-माजी नगरसेवक, इच्छुक उमेदवार व कार्यकर्ते मोठ्या संख्येने उपस्थित होते. पक्ष संघटना अधिक बळकट करून ‘घराघरात शिवसेना’ हा संदेश पोहोचवण्याचा निर्धार यावेळी करण्यात आला. आगामी काळात विविध प्रभागांमध्ये बैठका, जनसंवाद कार्यक्रम व संघटनात्मक उपक्रम राबवण्याचा निर्णय घेण्यात आला.

Nashik Crime: मित्राच्या हळदीच्या कार्यक्रमात रक्ताचा सडा; 21 वर्षीय तरुणावर जीवघेणा हल्ला, अचानक काय घडलं?
‘महापालिकेतही मिळेल यश’
राज्याच्या मुख्यमंत्रीपदावर असताना एकनाथजी शिंदेनी सर्वसामान्य जनतेसाठी राबवलेल्या योजना, लाडकी बहीण योजना यामुळे विधानसभेत भरभरून यश मिळाले, तसेच यश महानगर पालिकेतदेखील मिळेल, असे शिवसेना सचिव राम रेपाळे यांनी सांगितले. महायुतीचे निर्णय हे शिवसेनेचे मुख्यनेते एकनाथ शिंदे घेतील. शिवसेना सर्व १२२ जागा लढवण्यासाठी सज्ज असल्याचे उपनेते, जिल्हाप्रमुख अजय बोरस्ते यांनी सांगितले.

लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा