या प्रसंगी हडपसरचे आमदार व प्रभारी चेतन तुपे, नगराध्यक्षपदाचे उमेदवार संतोष सरोदे, माजी नगरसेवक गणेश ढोरे, अमोल हरपळे यांच्यासह सर्वच प्रभागांतील उमेदवार आणि पदाधिकारी उपस्थित होते.
Breaking News : बारामती नगर परिषदेच्या निवडणुकीत मोठा तिढा, दोन जागांच्या निवडणुका पुढे ढकलल्या
रोड शो उरुळी देवाची फाटा येथून सुरू होऊन मंतरवाडी येथून फुरसुंगी गावठाणमार्गे भेकराईनगर बस डेपोशेजारी समाप्त झाला. या वेळी सभेत पवार यांनी येथील रस्त्यांची स्थिती व वाहतूक कोंडीवर भाष्य केले. परिसरात विकासाची गती वाढली आहे. पूर्वी पिंपरी-चिंचवड महापालिकासुद्धा नगरपालिका होती, त्यानंतर वाढत्या लोकसंख्येमुळे पिंपरी-चिंचवड महापालिका झाली. आज त्यांचा विकास मोठ्या प्रमाणात झाला आहे. याही नगर परिषदेचा विकास आपण करू, असेही ते म्हणाले.

नव्या महापालिकेची गरज
वाढती लोकसंख्या पाहता प्रशासनावर मोठा ताण वाढत आहे. त्यामुळे हडपसर, मांजरी, फुरसुंगी, उरुळी देवाची, नगर रस्ता, वाघोली, लोणी काळभोर, उरुळी कांचन, होळकरवाडी, उंड्री-पिसोळी, वडकी या सर्व गावांना सोबत घेऊन नवीन महापालिका करणे गरजेचे असल्याचेही अजित पवार म्हणाले.
Pune Crime : पुण्यात आंदेकर टोळीतील आरोपींच्या खात्यावरील कोट्यवधींच्या रकमेचा आकडा पोलिसांनी सांगून टाकला
विकासाची दृष्टी पाहून मत द्या
सासवड : फुरसुंगी, उरुळी देवाची येथील सभेपूर्वी उपमुख्यमंत्री अजित पवार यांची जेजुरीमध्ये (ता. पुरंदर) सभा झाली. ‘जेजुरी शहराचा सर्वांगीण विकास करायचा असेल, तर कर्तृत्ववान उमेदवार पाहिजे. मते देताना त्याची जात-पात पाहू नका. त्याच्याकडे विकासाची दृष्टी आहे का हे पाहा,’ असे आवाहन उपमुख्यमंत्री अजित पवार यांनी केले. व्यासपीठावर माजी नगराध्यक्ष दिलीप बारभाई, जालिंदर कामठे, संभाजी झेंडे यांच्यासह नगराध्यक्षपदाचे उमेदवार जयदीप बारभाई आणि सर्व प्रभागांतील नगरसेवकपदाचे उमेदवार उपस्थित होते.