Mumbai News: कुर्ल्यातील गोदामाला भीषण आग
मुंबईतील कुर्ला पश्चिम येथील किस्मत नगर परिसरात एका गोदामाला गुरुवारी संध्याकाळी भीषण आग लागली. आगीत कोणतीही जीवितहानी किंवा कोणीही जखमी झाल्याचे वृत्त नाही. मात्र, गोदामांमध्ये ठेवलेले भंगार, प्लास्टिक आणि वाहनांचे सुटे भाग मोठ्या प्रमाणात जळून खाक झाले, ज्यामुळे लाखोंचे आर्थिक नुकसान झाले आहे. अग्निशमन दलाच्या अनेक गाड्या घटनास्थळी दाखल झाल्या होत्या आणि आगीवर नियंत्रण मिळवण्याचे प्रयत्न सुरू होते.