साहिल रुमबाहेर येऊन दरवाज्यात कोसळला. हे या घटनास्थळाच्या पंचनामावरून स्पष्ट झाले. ज्या चाकूने वार केले तो जप्त करण्यात आला आहे. याबाबत अधिक तपास शिवाजीनगर पोलीस स्टेशनचे ठाणेदार अहिरकर यांच्या मार्गदर्शनाखाली सहाय्यक पोलीस निरीक्षक मंदार पुरी करीत आहेत.

अर्धा तासात सर्व काही संपले

सदर विद्यार्थिनी ही संध्याकाळपर्यंत गणवेशात खामगाव पॉलीटेक्निकमध्ये आपली तासिका वर्गाची दैनंदिनी पूर्ण करत होती. त्यानंतर झालं तरी काय, याबाबत उलट सुलट चर्चा सुरू आहे. प्रेमी युगुलाच्या मृत्यूनंतर हॉटेल मॅनेजर विशाल सातव यांनी दिलेला तक्रारीत ही घटना संध्याकाळी सात वाजून 19 मिनिटांपासून ते सात वाजून 50 मिनिट या वेळेत घडल्याचं नमूद केले आहे. यावरून ही घटना केवळ अर्ध्या तासात घडल्याचं स्पष्ट होते. इतक्या वेळात साहिलने ऋतुजावर तब्बल 16 आणि स्वतःवर सहा वार केले.

सीसीटीव्ही फुटेज महत्त्वाची भूमिका बजावणार

या घटनेवरून अनेक प्रकारच्या अफवा पसरवण्यात आल्या होत्या. खून करून तिसरी व्यक्ती फरार झाल्याची अफवाही पसरली होती. वास्तविक पाहता या हॉटेलमधील रूममध्ये जाण्यासाठी एकच मार्ग आहे. या मार्गावरील सीसीटीव्हीत केवळ साहिल आणि ऋतुजा जात असल्याचं स्पष्ट झालं. त्यामुळे तिसऱ्या व्यक्तीने प्रवेश केल्याचं स्पष्ट होत नाही. तसेच, प्रेमी युगल आंतरधर्मीय असल्याची अफवाही होती. तपासात हे प्रेमी युगुल आंतरधर्मीय नसून आंतरजातीय असल्याचं स्पष्ट झालं आहे. एकंदरीतच या घटनेबाबत अनेक खुलासे सीसीटीव्ही फुटेजवरून झाले आहे. त्यामुळे पोलीस तपासात सीसीटीव्ही फुटेजची भूमिका सध्या तरी महत्त्वाची ठरू शकते.