Nashik Double Murder Case : नाशिकच्या आंबेडकरवाडीत दोन भावांच्या हत्या प्रकरणात, पोलिसांनी साडेतीन हजार ‘कॉल डेटा’ तपासले. इगतपुरीमार्गे राजस्थानपर्यंत तपास करत, हत्या प्रकरणात शस्त्रे पुरवणाऱ्या विक्रेत्याला ‘एसआयटी’ने शोधून काढले आणि त्याला मुख्य साक्षीदार बनवले.
रंगपंचमीच्या रात्री दोन सख्ख्या भावांची हत्या झाल्याने शहरात खळबळ उडाल्यानंतर प्रमुख पाच संशयितांना बेड्या ठोकल्यावर नाशिक पोलिसांनी या दुहेरी खुनाच्या गुन्ह्यात सोळा संशयित करून जिल्हा न्यायालयात दोषारोपपत्र दाखल केले. दि. १९ मार्च रोजी रात्री साडेनऊच्या सुमारास कोयत्यासह लोखंडी रॉडने संशयितांनी उमेश व प्रशांत जाधव यांची हत्या केली.
Nashik Crime: सुरतहून आली बनावट ओळख अन् नाशिकमध्ये बिनधास्त वास्तव्य… चौघी बांगलादेशी महिलांसह मदतनीस अटकप्रकरणाचे गांभीर्य लक्षात घेता पोलिस आयुक्त संदीप कर्णिक यांनी ‘एसआयटी’ नेमल्यानंतर गुन्हे विभागाचे सहाय्यक आयुक्त संदीप मिटके यांच्या पथकाने सविस्तर तपास केला. भांगेचा व्यवसाय व इतर वर्गणीच्या वादातून दोन गटांत वैमनस्य उद्भवल्याचे पोलिस तपासात उघड झाले होते. ‘एसआयटी’चे निरीक्षक अंकुश चिंतामण, उपनिरीक्षक किरण शेवाळे, उपनिरीक्षक अजित शिंदे, अंमलदार सचिन वाळुंज, रवी शितोळे व संदीप बागल यांनी तपासाअंती चौदाशे पानांचे दोषारोप न्यायालयात दाखल केले आहे.
Nashik Crime: पोत हिसकावणाऱ्यांना ‘आजीची बेडी’! ग्रामस्थांनी चोप देत चोरट्यांना केले पोलिसांच्या स्वाधीन, प्रकरण काय?
संशयितांनी कोयते इगतपुरी तालुक्यातील धामणगावातील रस्त्यावरून एका फिरस्त्याकडून खरेदी केल्याचे ‘एसआयटी’ला समजले. हा विक्रेता एका पेट्रोलपंपाजवळील मोकळ्या जागेत काही दिवस लोखंडी कढई, तवा यासह शेतीची अवजारे विकत होता. पथकाने परिसरातील ‘डम्प डेटा’ संकलित करून साडेतीन हजार ‘कॉल डिटेल्स’ मिळविले.
दुहेरी खून खटल्यात वापर, लपविणे, मुख्य संशयितांना मदत करणे यासंदर्भातील तपास केला आहे. सोळा संशयितांबाबत चौदाशे पानांचे दोषारोपपत्र दाखल केले आहे. शस्त्र विक्रेत्यापर्यंत पथक पोहोचले असून, जबाब नोंदणी होत आहे. या गुन्ह्यात शस्त्र खरेदीपासून लपविण्यापर्यंत सखोल तपास पथकाने केला आहे.
संदीप मिटके, सहाय्यक पोलिस आयुक्त, गुन्हे
जमीनमालकाचा जबाब नोंदविल्यानंतर विक्रेता राजस्थानातील असल्याचे समजले. ‘डम्प डेटा’तील राजस्थानमधील अडीचशे मोबाइल क्रमांक वेगळे करण्यात आले. त्यांना फोन लावून ‘आम्ही एसआयटीतून बोलतोय,’ असे सांगत पोलिसी पद्धतीने चौकशी सुरू झाली.
सेक्स कॅन्डल ते तिकीटाचा इतिहास; सावकारे, जावळे, भोळेंना खडसेंचं जशास तसं उत्तर!
सुमारे दीडशेपर्यंत ‘कॉल्स’ झाल्यावर विक्रेत्याचा पत्ता मिळाला. त्याची खात्री पटविण्यासाठी वाडीव-हे पोलिस ठाण्याच्या प्रमुखांची मदत घेण्यात आली. त्याला मुख्य साक्षीदार करीत जबाब नोंदणीसाठी पथकाने राजस्थान गाठले आहे.
लेखकाबद्दलसौरभ बेंडाळेसौरभ बेंडाळे हे महाराष्ट्र टाइम्सच्या नाशिक आवृत्तीत सिनिअर करस्पॉडंट आहेत. त्यांना पत्रकारितेत आठ वर्षांचा अनुभव आहे. तत्पूर्वी, आठ वर्षे महाराष्ट्र टाइम्समध्ये ते कॉलेज क्लब रिपोर्टर होते. गेल्या तीन वर्षांपासून ते गुन्हेगारी, न्यायालय, वाहतूक, वने, वन्यप्राणी या विषयांवर विश्लेषणात्मक लेखन करीत आहेत. तत्पूर्वी, त्यांनी शिक्षण क्षेत्रातील विविध विषयांवर लेखन केले आहे.… आणखी वाचा