रत्नागिरीमध्ये प्रभाकर लाले हे राजकारणात आणि समाजकारणात सक्रिय असलेले असे एक मोठे प्रसिद्ध असलेले व्यक्तिमत्व होतं. इतकेच नाही तर त्यांनी यापूर्वी गावची धुराही समर्थपणे सांभाळली होती टाळसुरे ग्रामपंचायतीचे माजी सरपंच राहिले आहेत. पाच वर्षांची सरपंच पदाची कारकीर्द त्यांनी यशस्वीरित्या सांभाळली होती. त्याचबरोबर त्यांना क्रीडा क्षेत्रातील कबड्डीची ही मोठी आवड होती. मुंबई येथे ते नोकरीनिमित्त वास्तव्यास असताना ‘अमर भारत’ या प्रसिद्ध असलेल्या कबड्डी संघातून ते खेळत असत. मुंबई सोडून ते गावी स्थायिक झाल्यानंतरही त्यांची कबड्डी खेळामधील आवड कायम होती.
Nitesh Rane : ‘रोहित पवार 2019 लाच भाजपात येणार होते, फक्त शरीराने शरद पवारांसोबत’; मंत्री नितेश राणेंचा खळबळजनक दावा
इतकेच नाही तर त्यांनी आजवर अनेक कबड्डीपटूनाही प्रोत्साहन देत मदत केली होती. दापोली तालुका कबड्डी असोसिएशनचे उपाध्यक्ष पदावर्ते कार्यरत होते. मुंबईतील नोकरी सोडून ते गावी आल्यावर टाळसुरे येथे त्यांनी वेल्डिंग फॅब्रिकेशन व्यवसाय सुरू केला होता या उद्योगातही त्यांचे नाव मोठं आहे. अनेक मोठी काम त्यांनी यशस्वीरित्या पूर्ण केले आहेत.
‘शिंदेंच्या मंत्र्यांना बदनाम करण्याचे कट कारस्थान सुरु’, रामदास कदम यांनी उपस्थित केली शंका
अजित दादांचे राष्ट्रवादीचे व दापोली अर्बन बँकेचे अध्यक्ष जिल्हा बँकेचे ज्येष्ठ संचालक असलेले जयवंत जालगावकर यांचे ते निकटवर्तीय कार्यकर्ते म्हणून ओळखले जात. त्यांच्या पश्चात आई पत्नी दोन मुले तीन विवाहित बहिणी असा मोठा परिवार आहे. त्यांच्या निधनाने कुटुंबावर दुःखाचा मोठा डोंगर कोसळला असून परिसरातून हळहळ व्यक्त केली जात आहे. आज सोमवारी सकाळच्या सुमारास त्यांच्या दापोली तालुक्यातील गावी टाळसुरे येथील स्मशानभूमीत त्यांच्यावर अंत्यसंस्कार करण्यात आले. यावेळी जयवंत जालगावकर, कबड्डी संघाचे जिल्हाध्यक्ष मंगेश मोरे तसेच सर्वपक्षीय पदाधिकारी राजकीय, सामाजिक, शैक्षणिक, क्रीडा आदीक्षेत्रातील मान्यवर उपस्थित होते.