ठाणे महापालिकेतील कोट्यवधींच्या निविदा प्रक्रियेत ‘बनवाबनवी’ होत असून राज्य सरकारच्या आदेशांना केराची टोपली दाखवली जात आहे. अधिकाऱ्यांनी निविदा कालावधीत फेरफार केल्याचे समोर आले असून मर्जीतील ठेकेदारांना लाभ मिळवून देण्यासाठीच हा प्रकार सुरू असल्याचा आरोप मनसेने केला आहे.

Thane News: कासारवडवली उड्डाणपुलावर रस्ता आत्ताच झाला खराब? MMRDA कडून मोठी कारवाई, कंत्राटदाराला 50 लाखांचा दंडराज्य सरकारने विविध विकासकामांमध्ये पारदर्शकता राखण्यासाठी आणि दर्जेदार काम होण्यासाठी स्पष्ट अटी व शर्तीसह निविदा प्रक्रिया राबवण्याचे निर्देश दिले आहेत. प्रत्येक कामाच्या स्वरूपानुसार आणि अंदाजपत्रकाच्या मूल्याप्रमाणे टेंडर कालावधी निश्चित करण्यात येतो. मात्र, ठाणे पालिका क्षेत्रातील अनेक कामांमध्ये अधिकारी मनमानीपणे निविदेचा कालावधी बदलत असून काही खास ठेकेदारांना अवाजवी फायदा मिळत आहे.

Thane News: कचऱ्यावर फुलली हिरवाई; भिवंडीच्या आतकोलीतील डम्पिंग ग्राऊंडला दिले उद्यानाचे स्वरुप विशेष म्हणजे, हे घोटाळे एखाद्या एकट्या विभागापुरते मर्यादित नसून विविध प्रभाग समित्यांमध्ये राबवण्यात येणाऱ्या कोट्यवधी रुपयांच्या कामांमध्ये हेच प्रकार सुरू असल्याचे माहितीमधून स्पष्ट झाले आहे. त्यामुळे हे घोटाळे हा केवळ निष्काळजीपणा नसून एक नियोजित आर्थिक गैरव्यवहार असल्याचा आरोप मनसेचे जनहित व विधी विभागाचे ठाणे शहराध्यक्ष स्वप्नील महिंद्रकर यांनी केला आहे.

याबाबत पालिका प्रशासनाशी संपर्क साधूनही माहिती मिळू शकली नाही.

नियमांना तिलांजली

ठाणे महापालिकेची विशेष मुलांसाठी आनंद दिघे यांच्या नावाने सिद्धाचल येथे जिद्द शाळा आहे. या जिद्द शाळेच्या डागडुजीकरिता शासनाच्या वतीने निधी वितरित करण्यात आला आहे. मात्र वर्तक नगर प्रभाग समितीच्या तत्कालीन अधिकाऱ्यांनी निविदा प्रक्रिया राबवताना नियमांना तिलांजली वाहिली असून ही निविदा चक्क दोन दिवसासाठी काढण्यात आली आहे. त्यामुळे या निविदेबाबत संशय व्यक्त होत आहे.