तरुणाचे आधीच प्रेमसंबंध, तरी दुसऱ्या मुलीसोबतही अफेअर

फिर्यादी तरुणीने समर्थ पोलीस ठाण्यात दिलेल्या माहितीनुसार, ती आणि आरोपी सौरभ सोनवणे हे एमबीए करत असताना परिचित झाले होते. त्यांच्यात मैत्री आणि प्रेमसंबंध निर्माण झाले होते. सौरभने लग्नाचे आश्वासनही दिले होते. मात्र काही दिवसांपासून सौरभचा संपर्क बंद होता. दरम्यान, तो दुसऱ्या मुलीसोबत प्रेमसंबंधात असल्याची माहिती तरुणीला मिळाली.
Jalgaon News : जंगलात बोलावून दोघींना संपवलं, तिसरीलाही संपवणार तेवढ्यात…. चप्पल, हाडांचे अवशेष… ‘सिरिअल किलर’ पोलिसांच्या ताब्यात
ही बाब स्पष्ट करण्यासाठी फिर्यादीने १२ जुलै रोजी समर्थ पोलीस ठाणे गाठलं. त्याचवेळी सौरभ आणि त्याची आई मंदाकिनी सोनवणे हे तेथे आले. त्यांनी तक्रार देऊ नको, असं गोड बोलून तिला समजावलं आणि घराकडे जाण्यास सांगितलं. मात्र त्यानंतर सौरभची आई मंदाकिनीने तिला धमकी दिली की, तुझा बंदोबस्त करून टाकीन, तू घराबाहेरही पडू शकणार नाहीस.
Baramati News : बाईकवरुन वडील दोन चिमुकल्यांसह निघाले, वाटेत काळाचा घाला; एकाच कुटुंबातील तिघांचा अंत, बारामतीत हळहळ

आरोपीकडून तरुणीला मारहाण, तरुणीच्या कानाचा पडदा फाटला

१३ जुलै रोजी सायंकाळी ४ वाजता, फिर्यादी सिट कव्हर या दुकानात गेली. तेथे सौरभने तिला हाताने आणि कड्याने मारहाण केली. त्यात तिच्या डाव्या कानाला गंभीर दुखापत झाली. त्याचवेळी राजेश पवार आणि मनिषा पवार यांनी तिला धमकी देत शिवीगाळ केली आणि बदनामी करण्याची धमकी दिली.

तरुणीच्या कानाला इजा झाल्यानंतर डॉक्टरांनी तपासणीनंतर सांगितलं की, मारहाणीत कानाचा पडदा फाटला आहे. सौरभने उपचाराचा खर्च करतो असं सांगितलं, पण फक्त दोन वेळेसच पैसे दिले. अखेरीस तरुणीने सौरभ सोनवणे, मंदाकिनी सोनवणे, राजेश पवार आणि मनिषा पवार यांच्याविरोधात मारहाणी, धमकी आणि अपमानास्पद वागणूक याबाबत तक्रार दाखल केली. या प्रकरणाचा तपास पोलीस उपनिरीक्षक जाधव करत आहेत.