Nagpur Congress Corporator Shubham Motghare Firing Case : नागपूरमधील काँग्रेसचे नगरसेवक शुभम मोटघरे यांच्या घरावर २६ ऑगस्टच्या मध्यरात्री झालेल्या थरारक गोळीबार प्रकरणाचा छडा लावण्यात नागपूर पोलिसांच्या गुन्हे शाखेला यश आले आहे.
५००हून अधिक सीसीटीव्हींची तपासणी
पोलिस आयुक्त विश्वास नांगरे पाटील यांनी शुक्रवारी पत्रकार परिषदेत ही माहिती दिली. ‘मटा’ने गुरुवारच्या अंकात ‘गोळीबार करणारे कुठे लपून बसले’, या आशयाच्या वृत्तातून या प्रकरणाला वाचा फोडली होती. २६ ऑगस्टच्या मध्यरात्री श्रावणनगर परिसरातील मोटघरे यांच्या घराच्या पहिल्या मजल्यावरील गॅलरीच्या दिशेने दुचाकीवरून आलेल्या दोन मुखवटाधारी व्यक्तींनी एक गोळी झाडली होती. सीसीटीव्ही फुटेजमध्ये दोघे खांडवानी टाउन रोडवरील स्वामीनारायण मंदिराच्या दिशेने पळून जाताना दिसले. या प्रकरणाच्या तपासासाठी सात पथके नियुक्त करण्यात आली होती. पोलिसांनी ५००हून अधिक सीसीटीव्ही कॅमेऱ्यांचे फूटेज तपासले. कृत्रिम बुद्धिमत्तेच्या मदतीने संशयितांची ओळख पटविण्यात आली. तसेच २५ हजारांहून अधिक कॉल रेकॉर्ड, टॉवर डम्प आणि आर्थिक व्यवहारांची तपासणी करण्यात आली. ५० हजार रुपयांच्या आर्थिक व्यवहारांचा मागही पोलिसांना लागला.
Crime News : मैत्रिणीशी भांडण, 26 वर्षीय पुणेकर तरुणाचा गोव्यात हृदयद्रावक अंत, शेजारी मदतीला धावेपर्यंत अनर्थ
छत्तीसगडमधील राजनांदगाव येथून अटक
अंकुश तोमसकर (३०) याने गोळी झाडल्याचे तपासात समोर आले. त्याला छत्तीसगडमधील राजनांदगाव येथून अटक करण्यात आली. ऋषभ ऊर्फ छोटू नागदेवे याने दुचाकी चालविल्याचे पोलिसांनी सांगितले. अमित ठाकरे, रोमित ऊर्फ पुल्या वाहणे, ऋषभ पैठल, केतन माटे आणि कार्तिक तोमसकर यांनाही अटक करण्यात आली आहे. आरोपींकडून ८० हजार रुपये किमतीचे आठ अँड्रॉइड मोबाइल जप्त करण्यात आले. एका अमली पदार्थ विक्रेत्याने या गोळीबाराची सुपारी दिल्याचे समोर आले आहे. नगरसेवकाला धमकावण्यासाठी हा कट रचण्यात आल्याचा पोलिसांचा प्राथमिक अंदाज आहे. गोळीबार केवळ धमकीसाठी होता की मोठ्या कटाचा भाग, याचा तपास सुरू आहे. ही कारवाई गुन्हे शाखेचे उपायुक्त दीपक अग्रवाल यांच्या मार्गदर्शनात आणि सहायक पोलिस आयुक्त वैभव जाधव यांच्या नेतृत्वात पोलिस निरीक्षक शुभांगी देशमुख व पोलिस निरीक्षक विनायक गोल्हे यांच्या चमूने केली.
Mumbai Dahi Handi : ‘गोविंदा रे गोपाळा’; मुंबई आज सकाळपासूनच ‘गोविंदा’मय! उंचीच्या ‘थर’थराटाला आयोजकांचे बळ, 11 थरांसाठी बक्षिसांची होणार लयलूट
बायकोच्या मृत्यूचं गूढ उकललं
नागपूरच्या मानकापूर परिसरात 38 वर्षीय महिलेच्या संशयास्पद मृत्यूच्या प्रकरणाला नवीन वळण मिळालं आहे. महिलेचा मृत्यू गळा दाबल्याने झाल्याचे शवविच्छेदन अहवालातून समोर आल्यानंतर पोलिसांनी तिच्या पतीला अटक केली आहे. या प्रकरणी मृत महिलेच्या भावाच्या तक्रारीवरून मानकापूर पोलिसांनी पतीविरुद्ध खुनाचा गुन्हा दाखल केला आहे. आरोपीचं नाव कृष्णलाल शिवराम यादव (वय 41) असं आहे. तर मृत महिलेची ओळख यामिनी कृष्णलाल यादव (वय 38) अशी झाली आहे. यामिनी या पती कृष्णलाल यादव याच्यासोबत मानकापूर येथील झिंगाबाई टाकळी परिसरातील गोविंद सिटी टॉवरमध्ये राहत होत्या.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा