FIght Over Gutkha Dispute : वाघोलीतील केसनंद रोडवर गुटखा पुडीवरून वाद झाल्याने विक्रेता आणि ग्राहक यांच्यात मारामारी झाली. या प्रकरणी दोघांनीही परस्परविरोधी तक्रारी दाखल केल्या आहेत. पोलिसांनी दोघांविरुद्ध गुन्हे नोंदवले असून, घटनेची चौकशी सुरू आहे.
केसनंद येथील तळेरानवाडी परिसरात राहणारे देवराम हरगुडे (वय ४५) आणि राजाराम माने (वय ५८) यांच्यात पानटपरीवर गुटखा पुडीवरून वाद झाला. हरगुडे यांनी दिलेल्या तक्रारीनुसार, पान टपरीवर त्यांनी पुडी मागितली असता ती खराब असल्याचे सांगितल्याने वाद सुरू झाला. त्यानंतर माने यांनी शिवीगाळ करून त्यांना ढकलले आणि टपरीतील दांडक्याने मारहाण केली. माने यांच्या दोन नातेवाइकांनी हरगुडेंना जमिनीवर पाडून लाथाबुक्क्यांनी मारहाण केल्याचा आरोपही हरगुडे यांनी केला आहे. 
Pune Crime: आईला वृद्धाश्रम, तर बहिणीला मनोरुग्णालयात धाडलं; वडिलोपार्जित संपत्तीसाठी लेकाचं संतापजनक कृत्यदुसरीकडे, माने यांनी दाखल केलेल्या तक्रारीत म्हटले आहे, की ते टपरी बंद करून घरी निघाले होते. त्या वेळी माने यांना हरगुडेंनी थांबवले. हरगुडेने गुटख्याची पुडी मागितली असता, ती खराब असल्याचे कारण सांगून हरगुडे यांनी जोरात बोलून माने यांना शिवीगाळ केली. पैसे मागून टपरीवर ठेवलेला स्टीलचा डबा त्यांच्या कपाळावर फेकून मारल्याचे माने यांनी तक्रारीत नमूद केले आहे.
Pune Crime : कॉलेज संपल्यानंतर ऑफिसला ये, पडद्यामागे चल, एक मंत्र सांगतो, पुण्यातील भोंदूबाबाचे अल्पवयीन तरूणीसोबत घाणेरडे कृत्यया घटनेत दोघेही जखमी झाले असून, परस्परविरोधी तक्रारींनंतर पोलिसांनी दोन्ही बाजूंचा तपास सुरू केला आहे.
शहरात गुटख्याची बिनदिक्कत विक्री सुरू असल्याच्या बातम्या ‘महाराष्ट्र टाइम्स’ ने सातत्याने प्रसिद्ध केल्या आहेत. त्याच बातम्यांवर वाघोलीतील घटनेने पुन्हा एकदा पोलिस दरबारीच शिक्कामोर्तब झाले.
बीडमधील गुन्हेगारी संपेना! माजी पोलीस अधिकारी प्रकरणाने खळबळ, अजित पवार कारवाई करणार
ही घटना २२ जुलैला घडली. त्यानंतर २३ जुलैला गुन्हा दाखल झाला आहे. मात्र, या प्रकरणात वाघोली पोलिसांनी पान टपरी विक्रेत्यावर गुन्हा दाखल करताना बेकायदा गुटखाविक्रीचे कलम लावलेले नाही किंवा त्या प्रकरणात कारवाईही केलेली नाही. त्यामुळे वाघोली पोलिसांनी अशी बोटचेपी भूमिका का घेतली, असा प्रश्न उपस्थित होत आहे.