Pune Couple Found Dead: पती-पत्नीत सतत वाद होत असल्याने या प्रकरणात अनेक शक्यता निर्माण झाल्या आहेत. दरम्यान, दोन्ही मृतदेहांचे शवविच्छेदन अहवाल आल्यानंतर नेमका प्रकार स्पष्ट होईल.
नवी सांगवी येथील शिवनेरी कॉलनीत गुरुवारी (२४ जुलै) सकाळी साडेनऊच्या सुमारास ही घटना उघडकीस आली. श्याम जग्गू वाघेला (वय ५०) असे आत्महत्या केलेल्या पतीचे नाव आहे. त्यांची पत्नी राजश्री वाघेला (वय ४५, रा. शिवनेरी कॉलनी, नवी सांगवी) यांचा मृतदेह घरात भिंतीला टेकून बसलेल्या अवस्थेत आढळून आला. राजश्री यांच्या तोंडातून रक्त येत होते.
हनी ट्रॅपवरुन आरोप-प्रत्यारोप! वडिलांना खडसे व ‘मोठ्या साहेबां’नी अडकवले, प्रफुल्ल लोढाच्या मुलाचा आरोप
सांगवी ठाण्याचे वरिष्ठ पोलिस निरीक्षक जितेंद्र कोळी यांनी दिलेल्या माहितीनुसार, वाघेला कुटुंब मूळचे गुजरात येथील आहे. गेल्या अनेक वर्षांपासून ते नवी सांगवी येथे राहतात. सध्या ते दोघेच घरी होते. त्यांना श्वेता आणि स्नेहल या दोन विवाहित मुली आहेत. श्वेता या नवी सांगवी येथे आणि स्नेहल पिंपळे-सौदागर येथे वास्तव्यास आहेत. राजश्री वाघेला या पिंपरीतील शाळेत शिक्षिका होत्या. श्याम वाघेला हे एका रिअल इस्टेटच्या कार्यालयात नोकरी करीत होते. पत्नीच्या चारित्र्यावरील संशयावरून दोघा पती-पत्नीमध्ये वारंवार वाद होत होते. याच कारणावरून बुधवारी (२३ जुलै) रात्री साडेअकराच्या सुमारास दोघांमध्ये जोरदार वाद झाला. 
गणेशभक्तांसाठी आनंदाची बातमी! पुण्याहून कोकणसाठी धावणार १२ स्पेशल ट्रेन्स, असे आहे नियोजन
राजश्री वाघेला यांनी या वादानंतर आपल्या दोन्ही मुलींना फोन करून याबाबत माहिती दिली होती. ‘उद्या सकाळी भेटते,’ असे मुलींनी सांगितले होते. गुरुवारी (२४ जुलै) सकाळी साडेसात वाजता मुलगी श्वेता घरी आली. तिने दार ठोठावले. मात्र, प्रतिसाद न मिळाल्याने इतर नातेवाइकांना बोलावले. दरवाजा तोडल्यावर वडील गळफास घेतलेल्या अवस्थेत आणि आईचा मृतदेह भिंतीला टेकून बसलेल्या अवस्थेत आढळला. मृतदेह विच्छेदनासाठी सुरुवातीला औंध रुग्णालयात पाठवला. मात्र, राजश्री यांचा मृतदेह संशयास्पद अवस्थेत आढळल्याने दोन्ही मृतदेह ससून रुग्णालयात पाठवण्यात आले.
वादात सापडलेल्या मंत्र्यांना मिळणार डच्चू? विविध वादांमुळे मंत्रिमंडळ फेरबदलाची चर्चा
श्याम वाघेला यांनी गळफास घेऊन आत्महत्या केली आहे. त्यांची पत्नी राजश्री यांचा मृतदेह भिंतीला टेकून बसलेल्या अवस्थेत आढळला असून, त्यांच्या अंगावर कोणत्याही जखमा आढळल्या नाहीत. दोन्ही मृतदेह शवविच्छेनासाठी ससून रुग्णालयात पाठविण्यात आले आहेत. अहवाल आल्यानंतर त्यांनी विषप्राशन केले की कसे हे स्पष्ट होईल. – संदीप आटोळे, पोलिस उपायुक्त, परिमंडळ एक
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा