New E-Depots in Pune : पीएमपीचे दोन नवीन ई-डेपो शुक्रवारपासून सुरू होत आहेत. उपमुख्यमंत्री अजित पवार आणि केंद्रीय राज्यमंत्री मुरलीधर मोहोळ यांच्या हस्ते या डेपोचे उद्घाटन होणार आहे. यामुळे पुणेकरांना ई-बसची अधिक चांगली सेवा मिळणार असून, शहराच्या विविध भागांमध्ये कनेक्टिविटी वाढणार आहे.
अशी असेल सेवा –
पुणे शहराचा विस्तार झपाट्याने होत आहे. त्यामुळे वाढती प्रवासी संख्या लक्षात घेता पीएमपीच्या बस संचलनाचा विस्तार व कामकाज अधिक सुलभ करण्यासाठी हे नवे ‘ई-बस’ डेपो उभारण्यात आले आहेत. चऱ्होली ‘ई-बस’ डेपोतून ६० बसेस व माण ‘ई-बस’ डेपोतून ३२ बसेस प्रवाशांच्या सेवेत असणार आहेत. पीएमपी मोबाइल अॅपद्वारे लाइव्ह ट्रॅकिंग, थांब्यांची उद्घोषणा यांसारख्या आधुनिक सुविधा आता या मार्गावर उपलब्ध असतील. माण परिसर ‘आयटी हब’ असल्याने तेथील प्रवाशांना या बसचा लाभ होईल.
वरळी-शिवडी कनेक्टरला कोस्टल रोडवर अंडरपासची जोड, नवी मुंबईकरांना थेट दक्षिण मुंबईत प्रवेश; कसा आहे मार्ग?
‘चऱ्होली’चा लाभ कोणास ?
चऱ्होली येथील डेपो सुरू झाल्यानंतर लोहगाव, विश्रांतवाडी, आळंदी, वाघोली, विमाननगर आणि विमानतळ परिसरातील प्रवाशांना नव्या ‘ई-बस’ डेपोचा मोठ्या प्रमाणावर लाभ होणार आहे. हा डेपो पीएमआरडीए क्षेत्रातील नागरिकांना शहरांशी जोडणारे महत्वाचे दळणवळणाचे केंद्र ठरणार आहे. येथून पुणे व पिंपरी-चिंचवडमधील विविध भागांसाठी ई-बस सुरू होतील. पुण्यातील या नव्या ई-बसमुळे स्थानिक प्रवाशांना मोठा फायदा होणार आहे. त्यांना ई-बसमुळे चांगली सुविधा मिळणार असून त्यांचा प्रवास सुखकर होण्यास मदत होईल. या दोन नव्या ई – डेपोमुळे शहराच्या विविध भागांमध्ये कनेक्टिविटी वाढणार असून त्याचा प्रवाशांना मोठा फायदा होणार आहे.
Pune News : पुण्यात दोन ‘ई-डेपो’ उद्यापासून सुरू; या महत्त्वाच्या मार्गांवर प्रवाशांना मिळणार सुविधा, कसा असेल मार्ग?
– ४९० पीएमपीच्या एकूण ‘ई-बस’
– पुणे स्टेशन, भेकराईनगर, वाघोली, बाणेर, निगडी पीएमपीचे एकूण ई-डेपो’
– माण, चऱ्होली पीएमपीचे नव्याने सुरू होणारे ‘ई-डेपो’
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा