कोल्हापूर दौऱ्यावर आलेल्या अजित पवार यांच्या ताफ्यातील वाहन खराब झालं. त्यामुळे अजित पवारांना कार्यक्रमस्थळी येण्यास विलंब झाला. कार्यक्रमस्थळी पोहोचल्यानंतर पालकमंत्री प्रकाश आबिटकर यांनी अजित पवारांचं स्वागत केलं. ‘थोडा उशीर झाला पालकमंत्री महोदय आम्हाला’, असं म्हणत अजित पवारांनी दिलगिरी व्यक्त केली.
रिक्षावाला ठाणे से बुलडोझर लेके आया! गायकाचं कामराला सुरेल प्रत्युत्तर, कंगनाचाही उल्लेख
पालकमंत्री आबिटकर यांच्या शेजारीच जिल्हाधिकारी उभे होते. त्यांना पाहून अजित पवारांनी वाहनांबद्दल सवाल केला. ओ कलेक्टर, गाड्या कुठे आहेत, असा प्रश्न अजित पवारांनी संतापून विचारला. तुम्ही गाड्या घ्या ना कलेक्टर, अशी सूचनाच अजित पवारांनी केली. त्यावर पाच गाड्यांची मागणी केलीय. ती पाठवलीय, असं उत्तर जिल्हाधिकाऱ्यांनी दिलं.

त्यावर ऑन द स्पॉट निर्णयासाठी ओळखल्या जाणाऱ्या अजित पवारांनी ‘मी आत्ताच्या आता इथे ऑर्डर देतो,’ असं म्हणत दोन गाड्यांची ऑर्डर देऊन टाकली. या सगळ्या प्रकारामुळे प्रशासनाची चांगलीच तारांबळ उडाल्याचं पाहायला मिळालं. सकाळी सव्वा अकराच्या सुमारास अजित पवारांचं विमानतळावर आगमन झालं. त्यानंतर ते कारनं जिल्हाधिकारी कार्यालयाकडे रवाना झाले. यावेळी त्यांच्या ताफ्यातील वाहन खराब झाल्यानं त्यांच्या लक्षात आलं. यामुळे अजित पवार संतापले.
हरामखोर आहेत! ठाकरे कोणाला उद्देशून बोलले? सुशांत केसचा उल्लेख करत राम कदमांचा सनसनाटी दावा
जिल्हाधिकाऱ्यांच्या कार्यालयात विविध बैठकांचं आयोजन करण्यात आलं आहे. या बैठकांना पालकमंत्री प्रकाश आबिटकर, वैद्यकीय शिक्षण मंत्री हसन मुश्रीफ, माजी आमदार राजेश पाटील, जिल्हाधिकारी अमोल येडगे उपस्थित राहणार आहेत. जिल्ह्यातील विविध विकासकामांबद्दल अजित पवार अधिकाऱ्यांशी चर्चा करतील. त्यानंतर ते राष्ट्रवादी भवनमध्ये पदाधिकाऱ्यांच्या भेटीगाठी घेतील. संध्याकाळी ते भाई नेरुरकर चषक खो-खो स्पर्धेच्या बक्षीस वितरण समारंभास उपस्थित राहणार आहेत. त्यानंतर रात्री १० वाजता कोल्हापूर विमानतळावरुन पुण्याला रवाना होतील.