सर्वांना बाळासाहेबांच्या नेतृत्त्वाखेरीसदुसरा पर्याय नाही हे त्यातून दिसत आहे. गेल्या वेळेला गद्दारांनीसुद्धा बाळासाहेबांनी फोटो वापरला तसं सगळ्यांच बाळासाहेबांचा फोटो वापरण्याशिवाय पर्याय राहिला नाही, असं उद्धव ठाकरे म्हणाले. यावेळी बोलताना उद्धव ठाकरे यांनी भाजपवर जोरदार टीका केली.

कुणाल कामराच्या तिकडे जी काही तोडफोड झाली तिकडे शिवसेनेचा काडीचाही संबंध नाही. तिकडे गद्दार एसंशि सेनेने या सगळ्या गोष्टी केल्या. मुख्यमंत्र्यांनी बचाव कोणाचा केला, ज्याचं नाव घेतलं नाही त्याचा, पण ज्याचं नाव घेतलं त्याच्याबद्दल कोणीच काही बोललं नाहीये. एसंशि सेनेनी काय करायचं ते करूदे पण तुम्हाला जर वाटत असेल ‘एसंशि’ची बदनामी झाली असं जर वाटत असेल तर याचा अर्थ एसंशि गद्दार सेना असल्याचं उद्धव ठाकरे म्हणाले.

‘सौगात ए सत्ता’ या निमित्ताने भारतीय जनता पक्ष जाहीर करणार का त्यांनी हिंदुत्त्व सोडलेलं आहे. जर तसं तो बोलणार नसतील तर तुम्ही कोणत्या तोंडाने आमच्यावर हिंदुत्त्व सोडल्याचा आरोप करताय. आम्ही तर आमच्या कामाने आणि कतृत्त्वाने जर मुस्लिम समाजाची मते मिळवत असू तर तुमच्या पोटात दुखायचं कारण काय? आता ज्या धर्मामध्ये धार्मिक विष पेरत आलात आता त्यांना तुम्ही घरोघरी जाऊन अन्न देत आहात. तुमचं नेककं काय? त्यांना विष द्यायचंय की अन्न हे एकदा सांगा, असं म्हणत उद्धव ठाकरेंनी सौगात ए सत्तावरून भाजपवर टीका केली.