बहिणीच्या फिर्यादीत काय?

डॉ. मनीषा यांची बहीण रोहिणी वैभव थोरात यांच्या फिर्यादीनुसार, ‘डॉ. स्वाती चव्हाण जिल्हा शासकीय रुग्णालयातील मानसोपचार विभाग प्रमुख होती. तिने डॉ. नीलेशने तिच्यासोबत जवळीक साधून घरातील सर्व गोष्टी सांगत तिच्या मनाप्रमाणे वागत डॉ. मनीषाकडे दुर्लक्ष करून मानसिक त्रास देत आत्महत्येस प्रवृत्त केले.

तुझ्या दाजींचं वागणं बिघडलंय

दिवाळीत मनीषा आईवडिलांकडे आली असताना ‘तिला तिचा पती विनाकारण त्रास देत आहे’, असे सांगितले होते. मनीषाने रोहिणी थोरात यांना १४ डिसेंबर २०२५ रोजी ‘तुझे दाजी नीलेशचे वागणे खूप बिघडले असून ते नेहमी डॉ. स्वातीसोबत राहण्याच्या प्रयत्न करतात’, असे सांगितले.

Pune Accident : लग्न अवघ्या दोन महिन्यांवर, पुण्यात आयटी इंजिनिअरवर काळाचा घाला, दुचाकीच्या धडकेत प्राण गमावलेडॉ. जेजूरकर व डॉ. चव्हाण हे गंगापूररोड परिसरात वास्तव्यास असून त्यांचे सलग दोन वर्षे डॉ. नीलेशच्या घरी येणे-जाणे होते. लग्नाचा वाढदिवस असतानाही डॉ. नीलेशने घरी येण्यास उशीर केला होता. जानेवारी २०२६ मध्ये मनीषाने रोहिणीला फोनवर ‘आमच्या घरातील सर्व गोष्टी माझा पती डॉ. स्वातीला सांगतो. त्यामुळे आमच्या घरात काय चालले आहे, याबाबत सर्व त्यांना माहिती आहे. तसेच डॉ. स्वातीला फोन केल्यावर तिने ‘तू आता तुझ्या नवऱ्याला आवडत नाही, त्यामुळे हे सर्व घडत आहे’, असे सांगितले.

माझ्या मुलींचा सांभाळ कर

याच संवादादरम्यान मनीषाने बहीण रोहिणी थोरातकडे ‘मी खूप निराश असून पुढे जगण्याची इच्छा संपली आहे. माझे काही कमी-जास्त झाले, तर माझ्या मुलींचा सांभाळ कर’, या शब्दांत भावना व्यक्त केल्या होत्या, असे फिर्यादीत नमूद आहे.

Methi Ban in School : डब्यात मेथी आणल्याने विद्यार्थ्याला 50 रुपयांचा दंड, भाईंदरमधील खासगी शाळेला मनसेचा दणका, शिक्षण विभागाकडून ‘कारणे दाखवा’

तपासातील महत्त्वाचे मुद्दे

– डॉ. नीलेश व पत्नी मनीषा दोघेही नैराश्यावर उपचार घेत होते
-डॉ. नीलेश व डॉ. स्वाती चव्हाण एकाच विभागात कार्यरत
– दोन्ही सिव्हिलमध्ये कार्यरत असल्याने मनीषा यांच्या शवविच्छेदन अहवालात फेरफार झाल्याचा संशय
– ९ एप्रिल २०२६ रोजी एका महिला डॉक्टरने दिलेल्या जबाबानुसार नीलेशच्या विवाहबाह्य संबंधांची पुष्टी
– ५ मार्च रोजी लग्नात झालेला जाहीर अपमान आणि ६ मार्च रोजी झालेल्या आत्महत्येत अत्यंत कमी कालावधी असल्याने गुन्हेगारी हेतू किंवा चिथावणी प्राथमिकदृष्ट्या दिसून येते
– हे प्रकरण केवळ आत्महत्येस प्रवृत्त करण्याचे नसून, हत्येचे असण्याचीही दाट शक्यता

गंगापूर रोडवरील रेवती ब्ल्यू अपार्टमेंटमध्ये ६ मार्च २०२६ रोजी मनीषा यांनी आयुष्याची अखेर केली होती. त्यांची बहीण प्रा. रोहिणी थोरात यांच्या फिर्यादीवरून डॉ. नीलेशविरुद्ध गुन्हा दाखल झाला होता. त्या फिर्यादीमध्ये डॉ. स्वाती चव्हाण हिच्याही नावाचा उल्लेख असून, तिला सहसंशयित केल्याचे सरकारवाडा विभागाचे सहायक पोलिस आयुक्त तथा प्रकरणाचे तपास अधिकारी प्रमोद वाघ यांनी सांगितले.

दरम्यान, घटनेनंतर १९३ दिवस न्यायालयीन बाबींनुसार नीलेशने बचावाचा प्रयत्न केला. मात्र नाशिक सत्र न्यायालय, मुंबई उच्च न्यायालय आणि अखेरीस १७ सप्टेंबर रोजी सर्वोच्च न्यायालयानेही त्याचा अटकपूर्व जामीन अर्ज फेटाळला. उच्च न्यायालयाने हे प्रकरण केवळ आत्महत्येस प्रवृत्त करण्याचे नसून, हत्येचे असण्याची शक्यता व्यक्त केली.

BMW Car Crash : धैर्यचं लाईव्ह लोकेशन फ्रीझ का झालंय? आईने थरथरत्या हातांनी लेकाला फोन फिरवला, पोलिसांचं उत्तर ऐकताच अवसान गळालं

हत्येचा संशय

शवविच्छेदन अहवालात फेरफार आणि खिडकीच्या दोरीवरून ही हत्या असल्याचा संशय वकिलांनी व्यक्त केला होता. त्यानुसार १८ सप्टेंबर रोजी गुन्हे शाखेने द्वारका चौकात त्याला अटक केली असून, आज, २२ सप्टेंबर रोजी त्याची पोलिस कोठडी संपणार आहे. तर स्वाती चव्हाण हिचा सहभाग उघड झाल्याने, तिला रविवारी चौकशीला बोलविल्यानंतर अटक करण्यात आली. सोमवारी तिला न्यायालयात हजर केल्यानंतर पोलिस कोठडी सुनावण्यात आली.