नेमकं प्रकरणं काय?
कांदिवलीतील चारकोपमधील एअरटेल कस्टमर केअरमध्ये एक मराठी तरुण त्याची समस्या घेऊन गेला होता. त्यावेळी तेथील महिला कर्मचाऱ्याने त्याच्याशी उद्धट वर्तन केले. संबंधित महिलेला मराठीतून बोलण्यास सांगितले असता तिने हिंदीतून आरडा ओरडा सुरू केला. त्यानंतर या तरुणाने व्हिडिओ काढला ज्यात तिने उद्दामपणा केला.

तरुणाने काढलेल्या व्हिडिओमध्ये त्याने महिलेला नीट बोलण्यास सांगितले त्यावेळी तिने उडवा उडवीची उत्तर दिली. ती वरिष्ठांना सांगत होती की हा व्यक्ती मला सांगतो की महाराष्ट्रात आहात तर मराठी बोलले पाहिजे. त्या तरुणाने मराठीचा आग्रह कायम ठेवला तर त्यावेळी ती हुज्जत घालत म्हणाली की, का आले पाहिजे मराठी, कुठे लिहिले आहे (क्यू आना चाहिए मराठी, कहाँ पे लिखा हूआ है) तसेच त्यानंतर त्याने प्रश्न विचारल्यास त्यास हिंदीमध्ये बोलण्यास सांगितले. मला समजत नाही हिंदींमध्ये बोल असे सांगितले. आपण हिंदुस्थानात राहतो. कोणतीही भाषा बोलू शकतो. मराठी महत्त्वाची नाही आहे.असे म्हटले.

योग्य पाऊलं उचला नाहीतर मुंबईत एअरटेलची गॅलरी दिसणार नाही
या व्हिडिओवर शिवसेना ठाकरे गट आक्रमक झाला. महाराष्ट्रात एअरटेलचे ग्राहक कायम ठेवायचे असतील तर योग्य पाऊलं उचला नाहीतर मुंबईत एअरटेलची गॅलरी दिसणार नाही.मराठी भाषिक कर्मचारी असायलाच हवे. अशी भूमिका शिवसेना ठाकरे गटाचे नेते अखिल चित्रे यांनी मांडली. तसेच त्यांनी एअरटेल प्रशासनाची भेट घेतली.