लातूरच्या आंबेजोगाई रोडवर एका 35 वर्षी इसमाला पाच लोकांनी बेदम मारहाण केली होती. रस्त्यावर झालेल्या महाराणीची व्हिडिओ काही वेळातच लातूरमध्ये व्हायरल झाले होते. संबंधित तरुणाला डोक्यात लाथा घालून शिवीगाळ करण्यात आली होती. बीडनंतर लातूरमधली ही दहशत पाहून नागरिकांचा थरकाप उडाला होता.. या घटनेनं लातूर शहर हादरलं होतं. पण घटना घडल्यानंतर चार तासातच पोलिसांनी कारवाई करत या घटनेतील पाचपैकी चार आरोपींना ताब्यात घेतलं. तर ज्या ठिकाणी आरोपींनी मारहाण केली होती तिथूनच आरोपींना फटके देत त्यांची शिवाजीनगर पोलीस ठाण्यापर्यंत धिंड काढण्यात आली.