पुढे अजित पवार म्हणाले की, बजेट सादर होण्याच्या अगोदर मंत्रिमंडळाची मंजुरी मिळते. कोणीही नाराज नसल्याचे परत एकदा सांगताना अजित पवार दिसले. कोयना धरणग्रस्तांबद्दल भाष्य करताना अजित पवार म्हणाले, की कोणावरही अन्याय होऊ देणार नाहीये. दोन्ही बाजूंचे नेते म्हणजे विरोधी पक्ष आणि सत्ताधारी यांच्याकडून सहन न होणारी स्टेटमेंट दिली जात असल्याचे बोलतानाही अजित पवार दिसले.
‘खोक्या’च्या नावाने पाथर्डीत एक कोटीची खंडणी, सतीश भोसलेचे पाय खोलात?गेल्या काही दिवसांपासून विरोधी पक्ष आणि सत्ताधारी खालच्या पातळीवर जाऊन एकमेकांबद्दल बोलताना दिसत आहेत. यावेळी अजित पवार यांना धनंजय मुंडे यांच्याबद्दल प्रश्न विचारण्यात आला. मात्र, यावेळी अजित पवार यांनी धनंजय मुंडे यांच्याबद्दल बोलणे टाळल्याचे बघायला मिळाले. धनंजय मुंडे यांच्या राजीनाम्याची सुरूवातीला मागणी होत असताना अजित पवार यांनी राजीनाम्याची चेंडू हा धनंजय मुंडे यांच्याच कोर्टात टाकला होता.

अजित पवार यांनी स्पष्ट केले होते की, ज्यावेळी माझ्यावर सिंचन घोटाळ्याचे आरोप झाले, त्यावेळी मला कोणीही राजीनामा मागितला नव्हता. मी स्वत: हून राजीनामा दिला होता. यामुळेच धनंजय मुंडे यांनी राजीनामा द्यायचा की, नाही हा त्यांचा प्रश्न आहे. संतोष देशमुख यांच्या हत्येवेळचे काही फोटो पुढे आल्यानंतर मोठी खळबळ निर्माण झाली. यानंतर धनंजय मुंडे यांनी आपला राजीनामा मुख्यमंत्री देवेंद्र फडणवीस यांच्याकडे दिला. राज्यपालांनी त्यांचा राजीनामा स्वीकारला देखील.