चाकणकर म्हणाल्या, विरोधातील महिला देखील माझ्यावर फिदा आहेत, त्यामुळे साडी आणि टिकलीच्या पुढे त्या(रोहिणी खडसे) जात नाहीत, मला कौतुक वाटते. कुठला विषय कुठे मांडावा हे मला कळते त्यामुळे या लोकांवर चर्चा करण्यापेक्षा आपण चांगले काम करणे महत्त्वाचे वाटते. चाकणकरांनी पुढे खडसेंना संघटनात्मक मुद्द्यावर घेरले. ‘खडसे बाईंची संघटना आहे ती मी बांधलेली आहे. त्यांना ती संघटनाच नीट चालवता येत नाही. सुप्रिया सुळे यांना खुश करण्यासाठी रूपाली चाकणकरांवर वक्तव्य केल्यानंतर मीडियासमोर दिसता येतं. काल कार्यक्रम केले कुठेही बातमी झाली नसेल त्यामुळे रूपाली चाकणकरांवर बोलल्यानंतर आता बातमी झाली की नाही, ही ताकद आहे रूपाली चाकणकरची..’ असे चाकणकर म्हणाल्या.
Pune News: पुणे पुन्हा हादरलं; मी एका पक्षाचा अध्यक्ष, कपडे काढ; उपचाराच्या नावाखाली महिलेसोबत नको ते केलं अन्…
चाकणकर पुढे म्हणाल्या, मला कोणीही सल्ला देण्याची गरज नाही, पक्षाने जबाबदारी दिली ती पेलली पाहिजे. ‘स्वतःचा ६ वा टर्म सुरक्षित असणारा वडिलांचा मतदारसंघ लेकीला दोनदा देऊन देखील साम दाम दंड भेद वापरून देखील वडिलांचे नाव वापरून देखील निवडून येता आले नाही आणि त्याच मतदारसंघातून भावजवी आणि वडील निवडून जातात. मात्र आपण निवडून जात नाही, याचे आत्मचिंतन करणे फार गरजेचे आहे’ अशी घणाघाती टीकाही चाकणकरांनी केली.

रोहिणी खडसेंचा चाकणकरांवर बोचरा वार

‘महाविकास आघाडी सरकारच्या काळात शक्ती कायदा करण्यासाठी विशेष पावलं उचलण्यात आली होती. मात्र सध्याचं सरकार त्या कायद्याबाबत गंभीर दिसत नाही, जर शक्ती कायदा अंमलात आला तर महिलांवरील अन्याय अत्याचार रोखण्यास मदत होईल आणि न्यायालयात प्रलंबित गुन्हे मार्गी लागण्यास मदत होईल. परंतु महायुती सरकारचे महिलांच्या प्रश्नांकडे लक्ष दिसत नाही.’ असे म्हणत खडसेंनी महायुतीवर निशाणा साधला होता. तर सत्ताधारी पक्षातील अनेक आमदारांवर महिला अत्याचारांबाबत गुन्हे दाखल आहेत. तरी देखील रूपाली चाकणकर त्यावर बोलत नाही. ‘महिलांच्या प्रश्नावर चाकणकर नक्कीच कमी पडत आहेत. त्या केवळ चांगला मेकअप करून पक्षाच्या कामात मटकायचं काम करतात.’ असा बोचरा वार देखील खडसेंनी केला होता.