KDMC Hospital: कल्याण डोंबिवली महापालिकेच्या गौरीपाडा येथील आरक्षित भूखंडावर उभारण्यात आलेली रुग्णालयाची इमारत अद्याप सुरू झालेली नसल्याने नागरिक तक्रार करत आहेत.
यंत्रणा अपुरी नागरिकांची तक्रार
महापालिकेचे एक रुग्णालय बाह्य यंत्रणेमार्फत चालविण्यास देऊन तेथील कर्मचारी आणि डॉक्टरांच्या मदतीने गौरीपाडा रुग्णालय सुरू करण्याचा प्रशासनाचा मानस आहे. मात्र हा प्रस्तावही अद्याप लालफितीत अडकला आहे. महापालिकेच्य डोंबिवलीतील शास्त्रीनगर आणि कल्याणमधील रुक्मिणीबाई रुग्णालयासह चार ते पाच रुग्णालये, आपला दवाखाना आणि आरोग्य केंद्रांच्या माध्यमातून आरोग्य सुविधा दिल्या जात आहेत. मात्र ही यंत्रणा अपुरी पडत असल्याची नागरिकांची तक्रार आहे.
तीन मजली इमारत
केडीएमसी क्षेत्रातील नागरिकांना चांगल्या दर्जाच्या आरोग्य सुविधा उपलब्ध करून देण्याच्या उद्देशाने आमदार विश्वनाथ भोईर यांच्या पाठपुराव्याने गौरीपाडा येथील १६ हजार चौरस फूट जागेत तीन मजली इमारत उभारण्यात आली.
सुविधा असलेले रुग्णालय
या इमारतीत १०० खाटांचे सर्जिकल आणि मेडिकल आयसीयू, किडनी स्टोनसाठी सुविधा, हृदयविकारांवरील उपचारांसाठी कॅथलॅब अशा सुविधा असलेले सुपर स्पेशालिटी रुग्णालय सुरू करण्याचा प्रशासनाचा प्रयत्न होता.
अपेक्षा अपूर्णच
यासाठी पालिका प्रशासनाकडून अंबरनाथ वैद्यकीय महाविद्यालयाबरोबर करार करण्यात आला होता. मात्र या डॉक्टरांबाबतही तक्रारी वाढत असून, मोठ्या प्रमाणावर डॉक्टर नेमूनही रुग्णालयात रुग्णांना दैनंदिन उपचार मिळत नसल्याच्या तक्रारी आहेत. याच महाविद्यालयीन डॉक्टरांच्या मदतीने गौरीपाडा रुग्णालयात टर्शरी केअर सेवा सुरू करण्याची अपेक्षाही पूर्ण झालेली नाही.
Ghodbunder Road: घोडबंदर रस्त्यावर अपघाताचा धोका वाढला ;रस्त्याच्या दोन्ही बाजूंच्या पदपथांची कामे अपूर्णावस्थेत
प्रशासनाकडे उत्तर नाही
या पार्श्वभूमीवर पालिकेने वसंत व्हॅली येथील प्रसूतीगृह बाह्य यंत्रणेद्वारे चालवून, तेथील कर्मचारी आणि डॉक्टरांच्या मदतीने गौरीपाडा रुग्णालय सुरू करण्याचा प्रयत्न सुरू केला आहे. मात्र प्रसूतीगृह चालविण्यासाठीही बाह्य यंत्रणा पुढे येत नसल्याने गौरीपाडा रुग्णालयावरील धूळकधी झटकली जाणार, या प्रश्नाचे उत्तर सध्या प्रशासनाकडे नाही.
लेखकाबद्दलकांचन परुळेकरकांचन परुळेकर महाराष्ट्र टाइम्स ऑनलाईनमध्ये कन्सलटंट पदावर कार्यरत आहेत. कांचन स्थानिक बातम्या, पायाभूत सुविधा, बांधकाम आणि विकास प्रकल्प यासाठी लिखाण करतात. त्यांच्या पत्रकारितेच्या प्रवासाला सुरुवात ही महाराष्ट्र टाइम्स ऑनलाईनमधून झाली. मार्च २०२६ मध्ये महाराष्ट्र टाइम्सच्या व्हिडिओ विभागात त्यांनी इंटर्न म्हणून काम केले. सुरुवातीला त्यांनी युट्यूब, फेसबुक आणि इन्स्टाग्रामसाठी कन्टेंट तयार करताना व्हिडिओ आणि लेख लिहिले आहेत. महाराष्ट्रातील राजकीय घडामोडी, स्थानिक बातम्या आणि क्राइमसह स्पोर्ट्सवर इत्यादी विषयांचे वाचन आणि लेखन करण्याची त्यांना विशेष आवड आहे.
कांचन यांचे संपूर्ण शिक्षण मराठी माध्यमातून झाले असून पत्रकारितेची आवड असल्याने त्यांनी कोकण ते मुंबई असा शैक्षणिक प्रवास केला. २०२५ मध्ये बॅचलर्सचे शिक्षण गावी पूर्ण केले. इकोनॉमिक्स या विषयातून पद्वी घेतली. लिखाणाची आवड, संवाद साधण्याचे कौशल्य आणि पत्रकारितेची आवड समजून घेऊन साठ्ये कॉलेज विलेपार्ले येथे वृत्तपत्रविद्या आणि संवाद या विषयात त्यांनी पद्व्युत्तर शिक्षणासाठी प्रवेश घेतला.
महाविद्यालयीन काळात कला आणि नाटक विषयात विशेष आवड असल्याने त्यांनी अभिनयदेखील केले आहे. काही नाटक त्यांनी लिहिले आहेत. मुंबई विद्यापीठाच्या युथ फेस्टिवलमध्ये त्यांना अभिनयासाठी ब्रॉन्झ आणि सिल्व्हर मेडल देण्यात आले आहेत. कविता आणि लेख लिहिण्याची आवड असल्याने शाळा ,कॉलेज मासिक अंकात त्यांचे लेख देखील प्रसिध्द झाले आहेत.
२०२६ मध्ये महाराष्ट्र टाइम्स ऑनलाईन सोबत जोडल्या गेल्यानंतर त्यांची पत्रकारितेची आवड अगदी स्पष्ट झाली. बोलण्यातला स्पष्टपणा लिखाणातली पारदर्शकता अधिक नव्याने समजत गेली. तीन महिन्यांच्या इंटर्नशिप नंतर त्या आता कन्सलटंट पदावर म.टा. समुहात सहभागी झाल्या आहेत. पारदर्शकता आणि विश्वासार्ह माहिती वाचकांपर्यंत पोहचवण्याचं काम त्या करत आहेत.… आणखी वाचा