सध्या राज्याचे अर्थसंकल्पीय अधिवेशन सुरू असून गुरुवारी (६ मार्च) महिला व बालविकास मंत्री अदिती तटकरे यांनी लाडकी बहीण योजनेसंदर्भात भाष्य केले. विधानसभा निवडणुकीपूर्वी लाडक्या बहिणींना २१०० रुपये देण्याची घोषणा महायुती सरकारकडून करण्यात आली होती. मात्र सरकार स्थापनेनंतर हा निर्णय अद्याप पूर्ण झालेला नाही. अशातच यावर अदिती तटकरेंनी सभागृहात भाष्य करत लवकरच सरकार याबाबत योग्य निर्णय घेईल असे सांगितले.