या बैठकीत धनंजय मुंडे यांच्या राजीनाम्याबद्दल चर्चा झाल्याचे सांगितले जातंय. सुरूवातीपासूनच धनंजय मुंडे यांनी संतोष देशमुख हत्या प्रकरणात आपला सहभाग नसल्याचे स्पष्ट म्हटले आहे. मात्र, धनंजय मुंडे यांचे निकटवर्तीय वाल्मिक कराड यांच्यावर गंभीर आरोप आहेत. सीआयडीच्या आरोपपत्रात वाल्मिक कराड हा या हत्येतील मुख्यआरोपी असल्याचे म्हटले आहे. खंडणीतूनच ही हत्या झाल्याचेही सीआयडीने आपल्या आरोपपत्रात म्हटले.
Santosh Deshmukh Case : ‘आम्ही जगू शकणार नाहीत, सर्व फोटो डिलीट करुन टाका’, धनंजय देशमुखांची प्रसारमाध्यमांना विनंतीसंतोष देशमुख यांचे भाऊ धनंजय देशमुख यांनी व्हायरल होणाऱ्या फोटोंबद्दल बोलताना म्हटले की, मी या फोटोंबद्दल काहीच बोलू शकत नाही. माझी एकच विनंती आहे की, हे फोटो डिलीट करा. फोटो व्हायरल झाल्यानंतर धनंजय देशमुख यांची भेट घेण्यासाठी मनोज जरांगे पाटील हे मस्साजोगला पोहोचले आहेत. मनोज जरांगे यांना बघताच धनंजय देशमुख हे ढसाढसा रडताना दिसत आहेत. त्यांनी आपल्या मनातील भावना बोलून दाखवल्या.

आईपुढे जाण्याची किंमत होत नसल्याचे धनंजय देशमुख यांनी म्हटले आहे. सरपंच संतोष देशमुख यांचे व्हायरल होणारे फोटो पाहून सर्वजण सुन्न झाल्याचे चित्र आहे. अत्यंत क्रुरपणे संतोष देशमुख यांची हत्या करण्यात आलीये. अंगावरील कपडे फाडून आरोपींनी मारहाण केली. हेच नाही तर ज्यावेळी ही मारहाण सुरू होती, त्यावेळी आरोपी हसताना देखील दिसत आहेत. संतोष देशमुख हत्या प्रकरणातील एक आरोपी अजूनही फरार आहे. इतर चाैकशीत आहेत.