याबाबत अधिक माहिती अशी की, चाकण परिसरातील बहुळ गांवात दरोडा टाकला होता. त्याच गावाजवळ असलेल्या चिंचोशी गावात दरोडेखोर दरोडा टाकणार असल्याची. माहिती पोलीस उपायुक्त शिवाजी पवार यांना मिळाली होती. त्यानुसार शिवाजी पवार आणि चाकण पोलीस ठाण्याच्या पथकाने दरोडेखोरांना पकडण्यासाठी केंदूर घाटात सापळा रचला होता. दरोडेखोर येताच त्यांच्या समोर पोलीस आले. त्यानंतर पोलिस आणि दरोडेखोर यांच्यात झटापट झाली. त्यावेळी उपयुक्त शिवाजी पवार यांनी दरोडे खोरांवर स्वरक्षणासाठी दोन गोळ्या झाडल्या. त्यानंतर त्यापैकी एक गोळी दरोदेखोराच्या पायावर लागली. त्यात दरोडेखोर जखमी झाला आहे. त्याच्यावर पुण्यातील ससून रुग्णालयात उपचार सुरू आहेत. तर दुसऱ्या दरोडेखोराला चाकण पोलिसांनी ताब्यात घेतलं आहे.

पिंपरी चिंचवड पोलीस स्टेशन हद्दीत गेल्या काही दिवसांपासून गुन्हेगारीने डोके वर काढले असून परिसरात दरोडे टाकण्याचे प्रमाण देखील वाढले आहे. त्यातच चाकण परिसरात घडणारी दरोड्याची मोठी घटना पोलिसांमुळे टळली आहे. पोलिसांनी स्वतःचा जीव धोक्यात घालून या दरोडेखोरांना पकडले आहे. त्यामुळे त्यांच्या धाडसाचे कौतुक होत आहे. गुन्हेगारीला आळा घालण्यासाठी पोलिसांनी असेच सतर्क राहणे गरजेचे असल्याचे मत समान्यांकडून व्यक्त करण्यात येत आहे.