बलात्काराचा प्रकार (Pune Swargate Rape Case) उघडकीस आल्यानंतर तरुणीच्या भूमिकेवर विविध स्तरावरून प्रश्न उपस्थित करण्यात आले. खुद्द गृह राज्यमंत्री योगेश कदम यांनीही ‘बलात्कार प्रकरणात संघर्ष झाला नाही. तरुणीने आरडाओरडा केला नाही. अन्यथा घटना लवकरच उघडकीस आली असती,’ असे विधान केले होते. मात्र, पोलिसांनी केलेला तपास आणि तरुणीच्या जबाबातून अनेक धक्कादायक गोष्टींचा खुलासा झाला आहे.
पुण्यात १९ वर्षीय तरुणीवर सामूहिक अत्याचार, मामेभावासोबत शरीरसंबंध ठेवायला लावत काढला व्हिडीओ, त्यानंतर… पुणे हादरलं
आरोपीने तरुणीची दिशाभूल करून तिला ‘सोलापूर-पुणे’ या शिवशाही बसमध्ये चढायला भाग पाडले आणि त्याने बसमध्ये चढून दरवाजा लावून घेतला. आरोपीने तरुणीशी अश्लील वर्तन केल्यानंतर तरुणीने त्यास प्रतिकार केला होता. मात्र, आरोपीने तिला जिवे मारण्याची धमकी देऊ तिचा गळा दाबल्याची माहिती समोर आली आहे.
Dattatray Gade: तिचे कपडे कुठे फाटलेत का? आधी ती बसमध्ये चढली मग माझा नवरा; गाडेच्या पत्नीच्या दाव्याने खळबळ
तरुणी एका रुग्णालयात समुपदेशक म्हणून नोकरी करते. गेल्या वर्षात कोलकाता येथे डॉक्टर तरुणीवर बलात्कार करून तिचा खून केल्याची घटना तरुणीला माहिती होती. गाडेने तरुणीला जबरदस्ती केल्यानंतर तिच्यावर मानसिक दबाव निर्माण झाला. त्यातून तिने आरोपीला ‘जिवे मारू नका’ अशी विनवणी केली.

बलात्काराच्या घटनेनंतर पोलिसांनी शिवशाही बसचा आढावा घेतला. ती वातानुकूलित बस होती. त्यामुळे बसला खिडक्या नव्हत्या. पोलिसांनी या बसमधून मोठ्याने ओरडून पाहिले असता, बाहेर आवाज आला नाही, असे दिसून आले होते. त्यामुळे तरुणीने आरडाओरडा केला असेल तरीही ते बाहेर ऐकू आले नाही. तसेच, अत्याचार होत असताना तरुणी मोठमोठ्याने रडत होती, अशी माहिती वरिष्ठ पोलिस अधिकाऱ्याने दिली.