देशात सर्वात भ्रष्ट मुख्यमंत्री एकनाथ शिंदेंच असल्याचे राऊतांनी म्हटले. सरकारमध्ये माझी प्रतिष्ठा राहिली नसल्याचेही शिंदे यांनी अमित शहा यांच्याकडे म्हटले. माझे निर्णय देवेंद्र फडणवीस यांच्याकडून फिरवले जातात, असेही एकनाथ शिंदे यांनी शहा यांना म्हटले. आता संजय राऊत यांनी केलेल्या दाव्यानंतर मोठी खळबळ निर्माण झाली. यावर आता शिवसेनेच नेते बोलताना दिसत आहेत. अमित शहा आणि एकनाथ शिंदे यांच्यामध्ये काय संवाद झाला हे राऊतांना काय माहिती असे त्यांनी म्हटले.
‘स्वारगेट’चा मुद्दा गाजणार! सोमवारपासून राज्याचं अर्थसंकल्पीय अधिवेशन; मंत्री कोकाटे, मुंडे विरोधकांचे लक्ष्यगेल्या काही दिवसांपासू महायुतीमध्ये वाद वाढताना दिसतोय. एकनाथ शिंदे यांनी मुख्यमंत्री असताना घेतलेले निर्णय हे रद्द करताना देवेंद्र फडणवीस हे दिसत आहेत. यामुळेच एकनाथ शिंदे हे नाराज असल्याची चर्चा आहे. खरोखरच शिवसेना शिंदे गट भाजपात विलीन होणार का? हा देखील प्रश्न उपस्थित केला जात आहे. मुळात म्हणजे महायुतीचे सरकार आल्यानंतर एकनाथ शिंदे यांनाच मुख्यमंत्री व्हायचे होते. मात्र, भाजपाने फडणवीसांना मुख्यमंत्रिपद दिले.

तेव्हापासून शिंदे हे नाराज असल्याचे सांगितले जातंय. अजूनही महायुतीमधील रायगड आणि नाशिकच्या पालकमंत्रिपदाचा तिढा हा सुटलेला नाहीये. आता तर थेट एकनाथ शिंदे यांनी देवेंद्र फडणवीस यांचीच तक्रार ही अमित शहा यांच्याकडे केलीये, असा दावा आहे. आमचे १३२ आमदार असल्याने आता भाजपाशिवाय दुसरा मुख्यमंत्री होणार नसल्याचे शहा हे एकनाथ शिंदे यांना सांगितले. संजय राऊत हे सातत्याने एकनाथ शिंदे यांच्यावर जोरदार टीका करताना दिसत आहेत.