Pune Girl Assault Case : आरोपी एका फार्म हाऊसवर कामाला होता आणि त्याला अश्लाघ्य चित्रफिती पाहण्याची सवय होती, असे पोलिसांच्या तपासात समोर आले होते.
नेमकं काय घडलं होतं?
पुणे जिल्ह्यातील मावळ तालुक्यातील जिल्हा परिषद शाळेजवळच्या झुडपांमध्ये ३ ऑगस्ट २०२२ रोजी पीडित मुलीचं शव सापडलं होतं. त्यानंतर पुणे ग्रामीण पोलिसांनी तपास केला असता, या मुलीवर अत्याचार करून तिची हत्या झाल्याचे उघडकीस आले.
आरोपी तरुणाला आईची मदत
मिळालेल्या माहितीवरून, पोलिसांनी पीडितेच्या घराजवळ राहणाऱ्या २४ वर्षीय तेजस उर्फ दादा महिपती दळवी याला अटक केली. तो एका फार्म हाऊसवर कामाला होता आणि त्याला अश्लाघ्य चित्रफिती पाहण्याची सवय होती, असे पोलिसांच्या तपासात समोर आले होते. तसेच, घडलेल्या गुन्ह्यात तेजसला त्याच्या आईने मदत केल्याचेही समोर आले. 
Crime News : पत्नीशी अनैतिक संबंध असल्याचा संशय, पतीने वेटरचा जीव घेतला, ठाण्यात भातशेतामध्ये बॉडी टाकली, चार तासात उलगडा
पोक्सो न्यायालयाने याप्रकरणी खटल्याच्या सुनावणीअंती २२ मार्च २०२४ रोजी तेजसला फाशीची तर, त्याच्या आईला सात वर्षांची शिक्षा ठोठावली. त्यानंतर दोघांनीही शिक्षेविरोधात उच्च न्यायालयात अपील केले, तर तेजसची फाशीची शिक्षा कायम होण्यासाठी राज्य सरकारने याचिका केली.
Maharashtra Heat Wave Update | महाराष्ट्रात उष्णतेचा कहर ! तापमान ४० पार, कुठे यलो अर्लट?
कोर्टाने काय सांगितलं?
‘खटल्यात रासायनिक विश्लेषणाच्या १२ अहवालांचा आधार घेण्यात आला. मात्र, आम्हाला विश्लेषकाची उलटतपासणी करता यावी यासाठी त्याला न्यायालयात पाचारणच करण्यात आले नाही. शिवाय कलम ३१३ अन्वये न्यायालयाने आमचे जबाब स्वतंत्र नोंदवले नाहीत. आम्हाला एकत्रित प्रश्न विचारून उत्तरे लिहिण्यात आली. या दोन्ही कारणांमुळे खटल्यात कायदेशीर प्रक्रियेचा भंग झाला आहे’, असे म्हणत दोन्ही दोषींनी ॲड. रिबेका गोन्साल्विझ यांच्यामार्फत अर्जही केला होता.Nashik Crime : नाशिकच्या तरुणाची बॉडी सापडली, 15 दिवस मारेकऱ्याच्या शोधासाठी मोर्चे, आरोपी निघाले बायको आणि प्रियकर
तसेच ‘विश्लेषकाची उलटतपासणी आणि आमचे स्वतंत्र जबाब याविषयी संधी द्यावी आणि पोक्सो न्यायालयाचा निर्णय रद्द करावा,’ अशी विनंतीही त्यात होती. याविषयीच्या सुनावणीअंती न्या. मनीष पितळे व न्या. श्रीराम शिरसाट यांच्या खंडपीठाने हा निर्णय दिला आणि दोघांच्या अपिलांसह सरकारची याचिका निकाली काढली.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा