• Sat. Mar 14th, 2026

    Mumbai Local Train Update: मुंबईकरांसाठी महत्त्वाचे! ट्रान्सहार्बरवर रविवारी मेगाब्लॉक; मध्य- पश्चिम रेल्वेची काय स्थिती? पाहा वेळापत्रक

    Mumbai Local Train Update: मुंबईकरांसाठी महत्त्वाचे! ट्रान्सहार्बरवर रविवारी मेगाब्लॉक; मध्य- पश्चिम रेल्वेची काय स्थिती? पाहा वेळापत्रक

    Mumbai Local Mega Block On 15th March: हार्बर मार्गावरील काही लोकल फेऱ्या रद्द राहणार असून, काही २० मिनिटे विलंबाने धावणार आहेत.

    मुंबई लोकल ट्रेन अपडेट(फोटो– महाराष्ट्र टाइम्स)
    मुंबई : ठाणे ते वाशी-नेरूळदरम्यान मध्य रेल्वेने रविवारी मेगाब्लॉक घोषित केला आहे. पश्चिम रेल्वेवर बोरिवली ते भाईंदरदरम्यानसह प्रभादेवी स्थानकात ब्लॉक घेण्यात येणार आहे. या कालावधीत रेल्वे रुळांसह सिग्नलची देखभाल-दुरुस्तीचे काम करण्यात येतात.

    ट्रान्सहार्बर रेल्वे
    स्थानक : ठाणे ते वाशी/नेरूळ
    मार्ग : अप आणि डाऊन
    वेळ : स. ११.१० ते दु. ४.१०
    परिणाम : ब्लॉकवेळेत ठाणे ते वाशी/नेरूळ आणि ठाणे ते पनवेलदरम्यान धावणाऱ्या अप आणि डाऊन लोकलफेऱ्या रद्द राहणार आहेत.

    Maharashtra TimesAnti- Conversion Bill: बेकायदा धर्मांतराला चाप! विधानसभेत विधेयक सादर, आरोप सिद्ध झाल्यास सात वर्षे तुरुंगवास
    पश्चिम रेल्वे
    स्थानक : बोरिवली ते भाईंदर
    मार्ग : अप आणि डाऊन जलद
    वेळ : शनिवारी मध्यरात्रीनंतर १२.१५ ते ३.४५ पर्यंत
    परिणाम : अप आणि डाऊन जलद मार्गावरील लोकल फेऱ्या अप आणि डाऊन धीम्या मार्गावर वळवण्यात येणार आहेत. काही लोकल दादर-वांद्रे स्थानकापर्यंत चालवून त्याच स्थानकातून परतीचा प्रवास सुरू करतील.

    Maharashtra TimesGirl Education: मुलींसाठी मोफत शिक्षणाची घोषणा, पण तरीही घेतली फी; कॉलेजांवर आता कठोर कारवाई होणार, मंत्र्यांची घोषणा
    प्रभादेवी पुलावरील गर्डर हटवणार
    प्रभादेवी स्थानकातील रेल्वे उड्डाणपुलाचे गर्डर हटवण्यासाठी शनिवारी मध्यरात्रीनंतर १.३० ते रविवारी सकाळी ६पर्यंत कामे करण्यात येणार आहेत. ब्लॉकमुळे ४५ लोकलसेवा रद्द राहणार आहेत. चर्चगेट ते प्रभादेवीदरम्यान माटुंगा रोड आणि माहीम स्थानकात लोकल उपलब्ध राहणार नाही. (०९१८४) वाराणसी-मुंबई सेंट्रल, (२२९४६) ओखा-मुंबई सेंट्रल, (१२९२८) एकतानगर-दादर, (१२९०२) अहमदाबाद-दादर, (०९०५२) भुसावळ-दादर, (२२९५३) मुंबई सेंट्रल-अहमदाबाद या मेल-एक्स्प्रेस ३० मिनिटे ते दोन तासांपर्यंत विलंबाने धावणार आहेत

    किशोरी तेलकर

    लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा