इमामुद्दीन जियाउल्ला बागवान(वय 18 वर्षे,रा,रंगराज नगर,हैदराबाद रोड, सोलापूर) अमन निसार बागवान(वय 19 वर्षे,रा,रंगराज नगर,हैदराबाद रोड ,सोलापूर) हे दोघे जिवलग मित्र चहा पिऊन कारमधून घरी निघाले होते. बायपास रोडवर मात्र दोघा मित्रांच्या कारला कंटेनरने चिरडले.

रमजान सणाचा उत्साह असताना बागवान कुटुंबावर कोसळला दुःखाचा डोंगर
मुस्लीम धर्मीयांतील सर्वात मोठा सण म्हणजे रमजान सण आहे. तब्बल एक महिनाभर रोजे (उपवास) करून मुस्लीम धर्मीय बांधव रमजान सण मोठ्या उत्साहात साजरा करतात. बागवान कुटुंबीयांनी देखील रमजान सणाची तयारी केली होती. इमामुद्दीन बागवान व अमन बागवान या दोघा मित्रांच्या वडिलांचे सोलापूर कृषी उत्पन्न बाजार समितीत मिर्चीचा व्यापार आहे. मोठे व्यापारी म्हणून यांची ओळख आहे. इमामुद्दीन बागवान आणि अमन बागवान या दोघांच्या घरात 21 मार्च रोजी साजरा होणाऱ्या रमजान सणाची मोठी तयारी केली होती. मात्र आता आनंदाच्या वातावरणात अपघातामुळे बागवान कुटुंबावर दुःखाचा डोंगर कोसळला आहे.

कुटुंबीयांचा शासकीय रुग्णालयात आक्रोश
घटनेची माहिती मिळताच सोलापूर येथील सिव्हिल हॉस्पिटलमध्ये नातेवाईकांची मोठी गर्दी झाली होती. या घटनेमुळे मार्केट यार्ड परिसरात आणि सोलापूर शहरात हळहळ व्यक्त केली जात आहे. पोलिसांनी घटनास्थळी धाव घेऊन पुढील तपास सुरू केला आहे. इमामुद्दीन बागवान आणि अमन बागवान या मित्रांचे मृतदेह सोलापूर विजयपूर महामार्गावर छिन्नविच्छिन्न अवस्थेत पडले होते. इमामुद्दीन आणि अमनचे मृतदेह पाहून शासकीय रुग्णालयात नातेवाईकांनी हंबरडा फोडला.