पोलिसांनी सचिन, त्याची पत्नी सोनाली (वय २०, दोन्ही रा. ताजनगर), आकाश अशोक जगनीत (वय ३२, रा. कामठी) व संगीता चंदू डंभारे (वय ४८, रा.कळमना) या चौघांना अटक केली. पोलिसांनी पश्चिम बंगालमधील महिलेसह दोन महिलांची सुटका केली. सचिन हा ताजनरगमधील घरी देहव्यापाराचा अड्डा चालवित असल्याची माहिती गुन्हेशाखेचे उपायुक्त राहुल माकणीकर यांना मिळाली.
‘स्वारगेट’चा मुद्दा गाजणार! सोमवारपासून राज्याचं अर्थसंकल्पीय अधिवेशन; मंत्री कोकाटे, मुंडे विरोधकांचे लक्ष्य
माकणीकर यांनी सामाजिक सुरक्षा विभागाला कारवाईचे निर्देश दिले. माकणीकर, साहाय्यक पोलिस आयुक्त डॉ.अभिजित पाटील यांच्या मार्गदर्शनाखाली सामाजिक सुरक्षा विभागाचे महिला पोलिस निरीक्षक कविता इसारकर व त्यांच्या पथकाने शुक्रवारी सायंकाळी ताजनगरमधील सचिन मेश्रामच्या घरी छापा टाकला. पोलिसांनी चौघांना अटक करून दोघींची सुटका केली.
स्वारगेट अत्याचारप्रकरणी पोलिसांच्या हाती मोठा पुरावा; पीडितेने डेपोत कोणाला सांगितलेली आपबिती?
पोलिसांनी चार मोबाइल, तीन हजारांच्या रोख रकमेसह ५० हजार रुपये किमतीचे साहित्य जप्त केले. सचिन हा कुख्यात आहे. २०१८मध्ये तो रामटेक पोलिस ठाण्यात कार्यरत होता. यावेळी त्याने पोलिसांच्या वाहनातून चंद्रपूर येथे दारूची तस्करी केली होती. याप्रकरणात त्याला अटक करण्यात आली होती. याप्रकरणात त्याला सेवेतून बडतर्फही करण्यात आले होते. काही दिवसांपूर्वी पोलिस अधिकाऱ्याच्या नावे १० लाखांची खंडणी उकळल्याप्रकरणात सचिनला सदर पोलिसांनी अटक केली होती.