एरवी डीपीला औरंगजेबाचा नुसता फोटो बघून कारवाई करणारे फडणवीस स्वपक्षीय आमदारांनी राज्यपालांकडे तक्रार केल्यावर सुद्धा काहीच कारवाई करत नाही. एकाच वेळी मराठा Vs OBCवाद चिघळवणे आणि त्याच वेळी घटकपक्षातील गुन्हेगारांना अभयही देणे. फडणवीस हा तणाव एन्जॉय करत आहेत का? असा सवाल सुषमा अंधारे यांनी केली आहे.

वाल्मिक कराड याच्याबद्दलच्या गुन्ह्यांची माहिती पुढे येऊ लागलीय. आमदार जितेंद्र आव्हाड, आमदार सुरेश धस, आमदार संदीप क्षीरसागर यांनी कराडबद्दल माहिती दिली. मात्र कराड आता कोठडीमध्ये असताना कोणतीही कारवाई होत नाहीये. सुरेश धस यांनी कराडवर अनेक आरोप केले आहेत. तपासात कोणताही वेग दिसत नाहीये. देशमुखांच्या निषेधार्थ राज्यात अनेक ठिकाणी मोर्चे नघत आहेत. मात्र पोलिसांना अजूनही एका फरार आरोपीला अटक करता आली नाही. दुसरीकडे अनेक आमदारांनी धनंजय मुंडे यांच्या राजीनाम्याची मागणी केली जात आहे. यावर मुख्यमंत्री देवेंद्र फडणवीस आणि उपमुख्यमंत्री अजित पवार स्पष्टपणे काही बोलत नाहीयेत. तपास सुरु आहे पण देशमुखांच्या पीडित कु्टूंबाला न्याय कधी मिळणार असा सवाल राज्यातील जनता आता करू लागली आहे.