उपमुख्यमंत्री अजित पवार यांच्या मातोश्री आशाताई पवार यांनी नववर्षाच्या पहिल्याच दिवशी पंढरपूर गाठून विठ्ठलाचं दर्शन घेतलं.माझ्या दादाला, सर्वांना नवं वर्ष चांगलं सुखी सुखी जाऊ देत. घरातील सगळे वाद संपू देत, असं साकडं त्यांनी पांडुरंगाला घातलं.दादाच्या मागची सगळी पीडा जाऊ देत असं मागणं विठुरायाकडे मागितल्याचं आशाताईंनी दर्शनानंतर माध्यमांशी बोलताना म्हणाल्या. शरद पवार आणि अजित पवार एकत्र यावेत असं वाटतं, का असं पत्रकारांनी विचारताच, त्यांनी ‘हो हो’ असं प्रफुल्लित चेहऱ्याने उत्तर दिलं. त्यामुळे अप्रत्यक्षपणे त्यांनीही दोन्ही पवार एकत्र यावेत, अशी मनोकामना आशाताईंनी व्यक्त केल्याचे दिसते.