उबदार पाण्याच्या शोधात मासे गेले लांब

मासेमारीच्या बोटी आणि ट्रॉलरना आता १०० नॉटिकल मैल (भारताचे प्रादेशिक पाणी २०० नॉटिकल मैलांपर्यंत) जाण्यासाठी बरेच इंधन वापरावे लागते. मासे उबदार पाण्यात स्थलांतरित होत असल्याने, जाळ्यात कमी मासे येत आहेत ज्यामुळे शहरातील बाजारपेठांमध्ये मच्छीच्या किमती वाढत आहेत. साधारणपणे वर्सोव्याजवळ पकडले जाणारे बोंबिल आता पालघरच्या पलीकडे गुजरातच्या दिशेने आढळतात. पापलेट मुंबईच्या पाण्याच्या पलीकडे गेले आहे. हे बदल थेट हवामानाच्या परिस्थितीशी संबंधित आहेत. असे, मच्छीमार संघटनेचे प्रमुख देवेंद्र तांडेल आणि राजहंस टपके यांनी सांगितले.

का वाढत आहे मुंबईत धुके?

पश्चिम किनारपट्टीकडे सरकणारा पूर्वेचा वारा राज्याच्या विविध भागातून धूळ आणि प्रदूषक वाहून नेत आहे. या प्रदूषणामुळे मुंबईतील धुके समुद्राच्या दिशेने ढकलले जात आहे. यावेळी केवळ मुंबईतील प्रदूषण नाही, तर आसपासच्या इतर शहरी भागातूनही प्रदूषण होत आहे. ग्रामीण भागातून वारे किनाऱ्याच्या दिशेने वाहत आहेत. मुंबईत पसरलेले धुके हे प्रामुख्याने महाराष्ट्रातील पूर्व, उत्तर आणि पश्चिमेकडील वाऱ्यांच्या संपर्कात येणाऱ्या आर्द्रतेमुळे आहे. प्रचंड आर्द्रता आणि वाऱ्याचा अपुरा वेग यामुळे वाहने, कचरा आणि बांधकामाच्या ठिकाणांवरील धूळ आणि धूर हवेत रेंगाळत राहतो.

मासळीचे भाव वाढले

अखिल महाराष्ट्र मच्छिमार कृती समितीचे प्रमुख असलेले तांडेल म्हणाले की, गेल्या आठवड्यात कोल्ड स्टोरेज, रेशनिंग आणि जहाजाच्या देखभालीसाठी इंधन आणि बर्फ यांच्या खर्चात लक्षणीय वाढ झाली आहे. मासळीचे भाव वाढले आहेत. बोटी उशिरा येत असल्यानेही तुटवडा निर्माण झाला आहे. बोंबिलच्या किमती दुपटीपेक्षा जास्त वाढल्या आहेत, तर पापलेट आणि सुरमई ३०-३५ टक्क्यांनी महाग आहेत. असेच वातावरण राहिल्यास मासळीचे भाव आणखी वाढू शकतात. असे अखिल महाराष्ट्र मच्छिमार कृती समितीचे प्रमुख असलेले तांडेल म्हणाले.